Otbasy banki basqarmasynyń tóraıymy Lázzat Ibragımov keshe jýrnalıstrmen kezdesken kezde QQS ósýi turǵyn úı naryǵyndaǵy shaǵyn kompanııalarǵa ǵana áser etýi múmkin bolsa da al iri qurylys salýshylardyń jumysyna áser etpeıtinin aıtty.
«QQS ósýi baǵaǵa áser etpeıdi dep oılaımyn. Eger áńgime býhgalterlik esep boıynsha bári durys iri kompanııalar týraly bolsa, onda olarda ádette QQS satyp alynatyn materıaldar men shıkizatqa salynǵan jáne ony shegerip tastaýǵa bolady. Al bir-eki úı salyp jatqan shaǵyn kompanııalar úshin bul, árıne, durys esepke alýdy engizýdi talap etedi», dep esepteıdi ol.
L.Ibragımova qazir elimizde eki mańyzdy bastama talqylanyp jatqanyn atap ótti.
«Birinshisi - jyljymaıtyn múlik naryǵyndaǵy qolma-qol aqshasyz esep aıyrysý. Bul ony kóleńkeden shyǵarýǵa kómektesedi. Ekinshisi - turǵyn úı satyp alý kezinde QQS engizý. Bul naryqty barynsha ashyq etedi», dep naqtylady L.Ibragımova.
Budan ózge, onyń aıtýynsha, josparlanǵan salyq reformasy bıznestiń jasandy túrde bólshektenýine jol bermeıdi. Nátıjesinde aldanǵan úleskerler azaıady.
