Foto: Oqý-aǵartý mınıstrligi
Oqý-aǵartý mınıstrliginiń málimetinshe, byltyr ǵylymı zertteýlermen aınalysatyn muǵalimderdiń úlesi 1,6 ese ósken. Al pedagogter arasyndaǵy magıstrler sany rekordtyq 27,9 myń adamǵa jetken. Budan bólek, mınıstrlik pedagogter arasynan kadrlyq rezervti qalyptastyrýǵa baǵyttalǵan «Bilim berýdegi ózgeristerdiń 1000 kóshbasshysy» jobasyn iske asyryp jatyr.
Talqyǵa qatysqan Oqý-aǵartý mınıstr Ǵanı Beısembaev pedagogıkalyq ǵylymdy damytý ortalyǵy muǵalimderdiń biliktiligin arttyrýǵa serpin beretinin atap ótti.
«Bilimniń sapaly bolýy ustazdyń myqtylyǵyna baılanysty. Bul bilim berý ınstıtýty pedagogıkalyq zertteýlerdi júıeli damytýǵa, muǵalimderdiń ǵylymı áleýetin kúsheıtýge jáne bolashaq mamandardy daıyndaý deńgeıin arttyrýǵa múmkindik beredi», dedi Ǵanı Beısembaev.
Jıyn barysynda Ál-Farabı atyndaǵy QazUÝ men Y.Altynsarın atyndaǵy Ulttyq bilim akademııasy arasyndaǵy yntymaqtastyq týraly Memorandýmǵa qol qoıyldy. Kelisim negizinde pedagogıka salasyndaǵy ǵylymı zertteýler alańyna aınalatyn pedagogıka ǵylymyn damytý ortalyǵy qurylady.
