Sýretti túsirgen – Jangeldi ÁBDIǴALYM
Endi ekijaqty kelisimniń arqasynda óńirdegi taýar óndirýshi taraptyń tabysy artyp, órisi keńeımek. Sapar barysynda delegasııa munaı-gaz salasyna arnalǵan jabdyqtar óndiretin «Sigma Corporation», «Qazfıttıngplast», «Imstalkon» jáne «Bemer Armatýra» zaýytynda bolyp, óndiris tynysymen tanysty. Oblystaǵy jetekshi kásiporyndardy aralaǵan soń aımaq basshysy Ermaǵanbet Bólekpaevtyń tóraǵalyǵymen dóńgelek ústel uıymdastyryldy. Jıynda munaı-gaz sektoryndaǵy eldegi kásiporyn úlesin ulǵaıtý joldary men yntymaqtastyq múmkindigi jan-jaqty talqylandy.
Bas dırektor Marko Marsılı elimizdiń ónerkásip sektory orasan zor áleýetke ıe ekenin aıta kelip, jergilikti kásiporyndarmen yntymaqtastyqty keńeıtýge kúsh salatyndaryn jetkizdi.
Ortaq kelisim aıasyndaǵy damý baǵdarlamasyn kásiporyn bas dırektorynyń orynbasary Muhtar Mankeev tanystyrdy.
– Búginde bizdiń kompanııanyń derek bazasynda Qaraǵandy oblysynan 86 kompanııa tirkelgen. 23 kompanııamen bizde 49 mln dollarǵa jýyq somaǵa kelisimshart jumystary júrgizildi. Injınırıngtik qyzmetterdi oqshaýlaý, jobalaý, izdestirý jumystary jáne taǵy basqalar týraly qyzyqty keıs bar. Qaraǵandy oblysyndaǵy birlesken kásiporyn bizdiń tarıhymyzda alǵash ret joǵary tehnologııalyq ınjınırıngtik jumystardy júrgizýge uzaqmerzimdi baılanys aldy. Biz qaraǵandylyq áriptesterge óte jaqsy jaǵdaı jasadyq. Qazir Qarashyǵanaq ken ornynda jumys bastaldy, – dedi M.Mankeev.
Kompanııa basshysy jaryqdıodty shamdar jetkizetin kompanııa men jol jáne qurylys jumystaryn qadaǵalaıtyn «QaraǵandyKazdorproekt» kásipornyn mysalǵa keltirdi.
О́ńir basshysy E.Qabdýlauly memorandým negizinde ındýstrıaldy aımaqtyń da ıgiligi artatynyn jetkizdi.
– Qaraǵandy oblysy – elimizdiń jetekshi ındýstrııalyq ortalyqtarynyń biri. Munda otandyq jalpaq prokat, tas kómirdiń úshten bir bóliginen astamy jáne barlyq koks kómiri, tazartylǵan kúmis pen altyn, mys, ferroqorytpa óndiriledi. Shıkizat baǵytyna qaramastan, biz ekonomıka qurylymyn ózgertý úshin jumys istep jatyrmyz. Mashına jasaý, qurylys ındýstrııasy salalarynda ımportty almastyratyn óndiris ashamyz. О́nerkásip alańdaryn keńeıtý jumystaryn júrgizemiz. О́nerkásiptik áleýet elimizdiń iri kompanııalaryn, onyń ishinde, «Karachaganak Petroleum Operating B.V.»-ni de qamtamasyz etýge qabiletti, – dedi oblys ákimi E.Bólekpaev.
Qaraǵandy oblysy
