«Jezqazǵan – Qyzylorda» aralyǵyndaǵy respýblıkalyq mańyzy bar avtojol qurylysy máselesi qarajattyń joqtyǵynan úsh jylǵa jýyq ýaqyt boıy tııanaqtalmaı keledi. Baıqaý segiz aıǵa sozylǵan. 2024 jyldyń sońynda baıqaý ótip, tenderdi Qytaı kompanııasynyń tórt merdigeri utyp alypty. Olar 2024 jylǵy qarashadan bastap 8 ýchaskege bólinip, tórt jerge ózderiniń bazalaryn qoıyp, qorshap, arnaıy tehnıkalaryn ákelgen. Qazirde 223 birlik arnaıy tehnıka, ınjenerlik-tehnıkalyq quram tolyq jumyldyryldy. Ýaqytsha aınalma jol men jol-qurylys materıaldary qoımalaryna jer bólip berý jumystary aıaqtalyp qaldy, karerlerin rásimdeý jumystary júrgizilip jatyr. Oblystyq jolaýshylar kóligi jáne avtomobıl joldary basqarmasy basshysynyń orynbasary Erlan Túsipov:
– Kún jylynyp, jer aıaǵy keńigen soń, naýryz aıynyń sońy, sáýirdiń basynda qaýyrt jumys bastalady. Qarajatty Azııa damý banki beredi. Ázirge daıyndyq jumystary júrgizilip jatyr. Qyzylorda oblysynyń shekarasy men Jezqazǵan qalasyna deıingi aralyq – 208 shaqyrym. «QazAvtoJol» UK málimeti boıynsha, bıyl negizgi qurylys-montaj jumystary bastalyp, 2025 jyldyń sońyna deıin 100 shaqyrym joldyń tómengi qabatyn salý josparlanǵan. Qarajat ázirge osy jartysyna bólinbek. Azııa damý banki bizdegi oblystyq, respýblıkalyq mańyzy bar joldarǵa bólinetin qarajat sııaqty emes, olar árbir merdigerdiń jasaǵan jumysyn esepke alady. Qarajat sheshilse jumys júrip ketedi. Tenderdi Qyzylorda oblysy jolyn salyp jatqan merdigerler utyp alǵan. Sol Qytaı kompanııasy beri qaraı jyljıdy. Jol qurylysynda zor tájirıbesi bar kompanııa jumysqa saqadaı-saı», – deıdi.
Ulytaý oblysynda aýdan, shaǵyn qalaǵa qatynaıtyn avtojoldardy jóndeýden ótkizý máselesi de ózekti. Sonyń biri – «Jańaarqa – Jezqazǵan» joly. Jol respýblıkalyq mańyzǵa ıe, «QazAvtoJol» UK-ǵa qaraıdy. «QazAvtoJoldyń» aqparaty boıynsha, jobalyq-smetalyq qujattamalar daıyndalyp jatyr. Dúnıejúzilik bankpen kelisimshartqa otyryp, baıqaýdy bank ótkizedi. Kompanııa jyl saıyn shuńqyrlardy jamaý jumysyna ǵana qarajat bóledi. Bul jolǵa ortasha jóndeý jumysyn júrgizbeýdiń sebebi – «Jańaarqa – Jezqazǵan» jolyna úlken tórt jolaqty avtoban bolatyn joba josparlanyp jatqandyqtan, úkimet kóp shyǵyn shyǵarǵysy kelmeıdi. Joba júzege asqansha shuńqyrlardy jamaýmen shektelip otyr.
«Qarajal – Atasý» avtojolyn qaıta jańartý ýchaskesi – 28 shaqyrym. Jol qurylysy jobasynyń quny 10 mlrd 600 mln teńgeni quraıdy. Oblystyq mańyzy bar jol Ulytaý oblysynyń jolaýshylar kóligi jáne avtomobıl joldary basqarmasy mekemesine qaraıdy. Jóndeý jumysy jobasyn 2020 jyly Qaraǵandy oblysy bastaǵan. Qaraǵandy taraby eki jyl istedi de, 2022 jyly jumysty jalǵastyrýdy Ulytaý oblysyna berdi. Oblys osy jobaǵa respýblıkalyq bıýdjetten bólingen 6 mlrd teńgeni ıgerip úlgerdi. Nátıjesinde, 28 shaqyrymǵa asfalt tóseldi. Jol boıyndaǵy uzyndyǵy 110 metr kópir qurylysy tolyq aıaqtaldy. Endi qalǵan 4 mlrd 600 mln teńgeni oblystyq bıýdjet kótere almaıtyndyqtan, jol ýchaskesiniń qujattaryn qaıta daıyndap, «QazAvtoJol» UK-ǵa berýge sheshim qabyldanǵan.
Týrıstik maqsatta salynyp jatqan Sátbaev – Malshybaı – Joshy han – Dombaýyl kesenesine baratyn jol oblystan bólingen bıýdjet qarjysymen bitedi dep josparlanyp otyr. Uzyndyǵy 19,5 shaqyrym jol qurylysy jobasynyń quny – 9 700 mln teńge. Onyń 90%-y
respýblıkalyq bıýdjetten, 10%-y oblystyq bıýdjetten qarjylandyrady. Byltyr respýblıkalyq bıýdjetten bólingen 6 100 mln teńgesi ıgerilgen. Bıyl tek oblystan bólinetin qarjynyń 1 100 mln teńgesi berildi. Endi 2 500 mln teńge bólinse, bıyl bul ıgi isti aıaqtaý josparda bar. Eki jyl ishinde 19 shaqyrym jol, uzyndyǵy 110 metr bolatyn kópir salyndy, jumys áli aıaqtalǵan joq. Negizgi jumysty Jezqazǵan qalasyndaǵy «Samǵa» JShS merdigerleri atqaryp jatyr.
Bir jaǵymdy jaıt, oblysqa qaraıtyn shaǵyn qala, aýdandarǵa júretin avtobýstar jańartylyp, irkilissiz júrip tur. Byltyr Jezqazǵan qalasyna júretin 33 avtobýs alyndy. Bıyl 10 avtobýs alý josparlanyp otyr. О́tken jyly Sátbaev – Jezqazǵan baǵytynda júretin 7 jańa avtobýs satyp alyndy. Sonymen qatar «Jezqazǵan – Jezdi», «Jezqazǵan – Ulytaý», «Jezqazǵan-Qarajal», «Jezqazǵan – Jańaarqa» baǵytynda avtobýs júredi. Sýbsıdııany Ulytaý oblysynyń jolaýshylar kóligi jáne avtomobıl joldary basqarmasy beredi.
Aýyldar da nazardan syrt qalmaǵan. Jezdiden Qarsaqbaı aýylyna deıin 35 shaqyrym asfalt bar. Shuńqyrlaryn jamap, aǵymdaǵy jóndeýden ótip turady. Qarsaqbaı men Baıqońyr aýyly arasy 51 shaqyrym, ol jerde asfalt joq, kóterme jol. Sony byltyr oblystyq jolaýshylar kóligi jáne avtomobıl joldary basqarmasy ortasha jóndeýden ótkizbek bolyp qolǵa alǵan. Qarajatqa baılanysty eki jyldyq kelisimshartqa otyrdy. 15 shaqyrymy baıqaýdan ótip, bir merdiger 9 shaqyrymyn salyp shyqty, qalǵan 6 shaqyrymyn bıyl bitirý kerek. Kelesi jyly Qarakeńgir men Alǵabas aýyly arasyndaǵy joldy jóndeý josparda bar.
Ulytaý oblysy
