Foto: Ashyq derekkóz
Prezıdenttiń aıtýynsha, Naýryz merekesin toılaýdyń jańa tujyrymdamasy ázirlenip, endi bul meıram 14 naýryz – Amal kúninen bastalyp, on kúnge jalǵasady jáne ár kúnge erekshe ataý berilmek. Halyq bul bastamany oń qabyldaǵan.
«Jurtshylyq bul bastamany jaqsy qabyldady. Ásirese, Naýryznamadaǵy «Ulttyq kıim kúni» qoǵamnyń zor qoldaýyna ıe boldy. Ulttyq kıimderge degen qyzyǵýshylyq arta tústi. Mektepterde, túrli mekemelerde, sondaı-aq, iri kompanııalarda ulttyq kıimge mán berile bastady. Suranysqa saı tigin sehtary ashylyp, jańa brendter, dúkender paıda boldy. Osylaısha, ulttyq kıim kııý birtindep qalypty kóriniske aınalyp keledi. Bul – óte jaqsy úrdis» dedi Memleket basshysy.
Sonymen qatar Qasym-Jomart Toqaev bet-júzdi tumshalaıtyn qara kıimnen góri ózimizdiń ulttyq kıimderimiz áldeqaıda artyq ekenin aıtyp, ony jan-jaqty dáripteýdi tapsyrdy.
