«Dıssıplınarlyq keńes Arhıtektýra, qala qurylysy jáne qurylys bóliminiń basshysy Manarbek Ádıevtiń zańsyz áreketin qarastyrdy. Ol 2024 jyldyń jeltoqsanynda Táýelsizdik kúni men Jańa jyl qarsańynda ózine 766 myń teńge kóleminde syıaqy taǵaıyndaǵan», — delingen habarlamada.
Prokýror Jandos Qýanyshbekovtiń aıtýynsha, sheneýnik buǵan quqyǵy bolmaǵan, sebebi oǵan «atqaratyn qyzmetine tolyq saı emes» degen tártiptik jaza qoldanylǵan.
«Qyzmettik tergeý barysynda zań buzýshylyq rastaldy, al Manarbek Ádıev óz kinásin moıyndady. Ol «abaısyzda umytyp ketkenin» aıtyp, aqtaldy. Degenmen, zańsyz alynǵan syıaqyny tolyǵymen bıýdjetke qaıtardy», — delingen materıalda.
Etıka jónindegi keńes tóraǵasy Murat Baısalov Ádıevtiń bul áreketin óreskel zańbuzýshylyq dep baǵalap, ony memlekettik qyzmetten bosatýdy usyndy. Endi onyń taǵdyryn Jánibek aýdanynyń ákimi sheshedi.
