Kezdesýdiń negizgi taqyryby – ádebı baılanysty nyǵaıtý jáne ádebıettiń oqyrmandarǵa yqpaly. Qazaq pen ózbek halqynyń ádebıeti men mádenıeti tereń tarıhı jáne rýhanı baılanysqa ıe ekeni barshaǵa málim. Bul jaqyndyqtyń qaınar bastaýy ortaq túrkilikte jatqany belgili. Qazirgi ýaqytta da bul úrdis jalǵasýda. Qazaq pen ózbek ádebıetiniń jańa býyn ókilderi shyǵarmalaryn bir-birine aýdaryp, ádebı baılanystardy nyǵaıtýda.
О́zbekstannan kelgen delegasııa QR Ulttyq kitaphanasyn aralady. Sırek kitaptar men qoljazbalar qyzmetinde arnaıy kórme uıymdastyrylyp, qonaqtar qorda saqtalǵan biregeı muralarmen tanysty. Olardyń qatarynda XVIII ǵasyrdaǵy Quran, Qoja Ahmet Iаsaýıdiń «Rısala» (XVI ǵ.), «Dıýanı Hıkmet» (XIX ǵ.), «Hıkmet Hazretıi» (XVIII ǵ.), sondaı-aq onyń ata-tegi týraly tarıhı shejire «Nasabnama» (XVII ǵ.) jáne shákirti Súleımen Baqyrǵanıdyń «Hıkmetteri» bar. Sonymen qatar shyǵys ádebıetiniń jaýharlary – Nızamı Gánjaýıdiń «Hamsa» (XV ǵ.), Álisher Naýaıdiń «Dıýany» (XVII ǵ.), Ábilqasym Fırdoýsıdiń «Shahnamasy» (XVIII ǵ.) da erekshe nazarǵa ilikti.
Is-shara aıasynda О́zbekstannyń ádebıeti men mádenıetine arnalǵan kitap kórmesi uıymdastyryldy.
Sonymen qatar, О́zbekstan Respýblıkasynan kelgen delegasııa quramy men qazaq qalamgerleri qazaqtyń bas aqyny Abaıdyń eskertkishine taǵzym etip, gúl shoqtaryn qoıdy. Sondaı-aq akademık, klassık jazýshy Muhtar Áýezovtiń mýzeı-úıine baryp, tarıhı jádigerlermen tanysty.
Aıta keteıik, buǵan deıin Túrkistanda Qazaqstan men О́zbekstannyń belsendi jastarynyń qatysýymen «Dostyq kópiri» forýmy ótken bolatyn. Forýmda jumysshy mamandyqtardy nasıhattaý jáne eńbek naryǵyna jasandy ıntellekttiń áseri sekildi máseleler talqylandy.
