Foto: Polisia.kz
Polisia.kz saıtynda habarlanǵandaı, departament bastyǵy - IIM resmı ókili Shyńǵys Alekeshevtiń aıtýynsha, Zań boıynsha 5 sáýirden keıin tirkelmegen mopedti basqarýǵa tyıym salynady. Mundaı quqyq buzýshylyq anyqtalǵan jaǵdaıda Ákimshilik kodekstiń 590-babynyń 2-bóligine sáıkes jaýapkershilik kózdeledi. Búginde respýblıka boıynsha 8527 moped tirkelip otyr.
«Ony tirkeý úshin turǵylyqty jeri boıynsha arnaıy halyqqa qyzmet kórsetý ortalyǵyna júginý qajet. О́zińizben birge kelesi qujattardy alý kerek: jeke basty kýálandyratyn qujat, elektrondy túri de jaraıdy, tehnıkalyq qujat nemese mopedtiń tehnıkalyq sıpattamalary týraly málimetter. О́tinishti toltyryp, mopedti tekserýden ótkizip, kólik quralyn tirkeý, tirkeý týraly kýálik jáne memlekettik nómir alý úshin memlekettik bajdardy tóleý qajet. Tirkeýdi keıinge qaldyrmańyzdar! О́zińiz úshin «jaǵymsyz saldardan» aýlaq bolý úshin mopedti zań talaptaryna sáıkes keltirgenińiz durys», dedi Sh.Alekeshev.
