1990 jyldardyń basynda elimizde naqty plıýralızm men demokratııaǵa baǵyttalǵan is-qadamdar júzege asyryldy. Parlament pen atqarýshy bılik arasynda tepe-teńdik bolyp, konstıtýsııalyq qurylysty baqylap otyratyn ınstıtýttar júıeli jumys atqardy. Depýtat 1995 jyldan saıası júıede ózgerister bastalǵanyn málimdedi.
«1995 jylǵy Konstıtýsııa ekonomıkalyq reformalar men áleýmettik turaqtylyqty jedeldetkenimen, saıası júıemiz jekelegen toptar men keıbir tulǵalardyń múddesine jumys jasap ketti. 2010 jyldan bastap Qazaqstanda saıası daǵdarys ashyq túrde órshidi. Máselen, jer reformasyna qarsylyq jáne halyqtyń áleýmettik jaǵdaıynyń tómendeýine narazylyq retinde keıbir áleýmettik toptardyń bas kóterýi oryn aldy» degen depýtat 2019 jyly bılik basyna Qasym-Jomart Toqaev kelip, Qazaqstandaǵy saıası reformalarǵa bastamashy bolǵanyn aıtty.
«Memleket basshysynyń bastamasymen Saıası reformalardy josparlaý úshin arnaıy Ulttyq Keńes quryldy. Ulttyq Keńes eldegi ýshyǵyp turǵan saıası prosesti evolıýsııalyq jolmen sheshýdi kózdep, Prezıdent ókilettiligin Parlamentke berý, oppozısııa rólin arttyrý, Konstıtýsııaǵa ózgerister engizý jáne bılik tarmaqtary arasyndaǵy tepe-teńdik máselelerin qarastyrdy. Prezıdenttiń kadensııasynyń basty máselesi – elimizde qalyptasqan «jeke basqa tabynýshylyq» prosessin joıyp, memleket pen qoǵam arasyndaǵy jańa turpatty, halyqtyń qoǵamdyq múddesine sáıkes keletin saıası júıe qalyptastyrý», dedi Erlan Saırov.
Sátti júzege asyrylyp kele jatqan reformalar bastaýynda 2022 jyly referendým nátıjesinde – Prezıdenttiń bir ǵana 7 jyldyq merzimge saılaný tártibi, 2021 jyldan beri aýyl ákimderin halyqtyń ózi saılaýy syndy ózgerister bar.
«Kórip otyrǵanymyzdaı, qysqa kezeńde elimizdiń saıası júıesi túbegeıli ózgerdi. Úkimet pen Parlamenttiń arasyndaǵy tepe-teńdik paıda bolyp, aımaqtardaǵy máslıhattardyń roli men orny artty. Prezıdent ótkizgen saıası reformalary elimizdegi qoǵamdyq-saıası prosesske azamattardyń aralasýyna jol asha otyryp, aımaqtardan jańa saıası tulǵalardyń saıası sahnaǵa shyǵýyna jol ashty. Bul qadamdar azamattar men memlekettiń birligin arttyratyny belgili. Búginde qurylǵan Ulttyq Quryltaı shynaıy halyqtyń demokratııanyń tetigine aınaldy», dedi depýtat.
