Tabıǵı resýrstar jáne tabıǵatty paıdalanýdy retteý basqarmasyna qarasty orman sharýashylyqtarynyń qoldaýymen kolledj stýdentteri óz qoldarymen 1 000 qusqa uıa jasap, olardy bilim berý mekemeleriniń aýmaǵyna oqýshylarmen birge ornatty. Osylaısha, qustarǵa jańa ári qaýipsiz uıa salatyn oryndar jasaldy.
«Taza Like» aksııasy bir aı boıy jalǵasyp, Almaty oblysynyń 9 aýdanyn qamtıtyn bolady. Aksııanyń basty maqsaty – tabıǵatqa uqypty qaraýdy nasıhattaý, ekologııalyq mádenıetti damytý, qorshaǵan ortaǵa jaýapkershilikpen qaraýǵa tárbıeleý.
«Qorshaǵan ortany qorǵaý, qustarǵa janashyrlyq jasaý syndy ekologııalyq sana balalyq shaqtan qalyptasady, tabıǵatqa qamqorlyq – bolashaqqa jasalǵan ınvestısııa», deıdi aksııany uıymdastyrýshylar.
Almaty oblysy
