Batys Qazaqstan oblystyq tarıhı-ólketaný mýzeıi uıymdastyrǵan kórmede 80 jumys qoıylǵan. A.P.Bogolıýbov atyndaǵy Saratov kórkemsýret ýchılıshesin jáne M.О́temisov atyndaǵy BQMÝ-dy bitirgen Nurtaı Ekpinuly – buǵan deıin de respýblıkalyq, halyqaralyq konkýrstarda laýreat atanyp júrgen tanymal sýretshi. 2020 jyly Kıprde ótken «Kıbrıs Modern Sanat Museum» jobasyndaǵy sýretshiler sımpozıýmyna qatysqan.
Kórmege qoıylǵan boıaýy qanyq, keń kólemdi kartınalar kelýshiniń janaryn birden ózine tartyp, avtordyń jumbaq álemine jeteleıdi. Mundaǵy kóp jumys eshqandaı kanon, ereje, zańdylyqtarǵa baǵynbaıtyn, kerisinshe qalyptasqan qaǵı- dalardy buzyp jiberetin sıýrrealızm baǵytynda salynǵan.
«Bul týyndylar adam tabıǵatyn zertteýge baǵyttalǵan. Men derbes kórmem arqyly adam balasyn túrli zııandy ádetterden aýlaq bolýǵa, ómirden óz ornyn taba bilýge, óz bolmysyn, tabıǵatyn tanyp-túsinýge shaqyrǵym keldi. О́ıtkeni ózin-ózi zerttemegen adam kózi baılaýly soqyrmen birdeı ǵoı», deıdi avtor.
Kórmeden fılosofııalyq baǵyttaǵy kartınalardy ǵana emes, sonymen qatar otansúıgishtikke baýlıtyn patrıottyq taqyryptaǵy ári álemdik óner juldyzdaryna arnap jazylǵan týyndylardy da tamashalaýǵa bolady.
Batys Qazaqstan oblysy
