Foto: Úkimettiń baspasóz qyzmeti
Aıta keteıik, 6 mlrd 560 mln teńge kólemindegi qarajat Qostanaı qalasyndaǵy ındýstrııalyq aımaqta KIA avtokóligin óndiretin zaýytqa kirme joldary men 3-shi sanattaǵy temirjoldardy salýǵa baǵyttalady. Salynyp jatqan KIA avtokólik óndirý zaýyty – eń iri avtomobıl jobalarynyń biri. Zaýyttyń jobalyq qýaty jylyna shamamen 70 myń avtokólikti quraıdy.
Investor 90 mlrd teńge kóleminde qarajat bólgen. Qazirgi ýaqytta qurylys-montajdaý jumystary men ınjenerlik kommýnıkasııalar júrgizýge 500-den astam adam jumyldyrylǵan. Joba aıasynda barlyǵy 1,5 myń jumys ornyn ashý kózdelgen.
«Zaýyt 2025 jyldyń qazan aıynda iske qosylady dep josparlanyp otyr. Kásiporyn aımaq pen elimizdiń damýyna úlken serpin beredi, sondaı-aq óndiristi lokalızasııalaý deńgeıin aıtarlyqtaı arttyrady. Zaýyt dánekerleý, syrlaý jáne kólik qurastyrý sııaqty tolyq sıkldi negizde jumys isteıdi», delingen habarlamada.
Esterińizge sala keteıik, qazirgi tańda Qostanaı qalasynyń Indýstrııalyq aımaǵy aýmaǵynda 5 joba iske qosylǵan. 9 joba belsendi túrde pysyqtalyp jatyr. Osylaısha, ındýstrııalyq aımaq aýmaǵynda kólik ınfraqurylymyn salý barlyq iske asyrylyp jatqan jobalardyń tıimdi jumys isteýi úshin qajetti jaǵdaı jasaıdy. Jańa kirme joldar men temirjoldar úzdiksiz logıstıkany qamtamasyz etip, shıkizat jetkizý isin jedeldetedi, sondaı-aq daıyn ónimdi ishki jáne syrtqy naryqtarǵa tasymaldaýdy jeńildetedi.
