Foto: gov.kz
Baıqaý óńirlik jáne respýblıkalyq eki kezeńnen turady. Shaǵyn, orta jáne iri kásipkerlik sýbektileri «Paryz-2025» baıqaýynda 4 atalymda «Úzdik áleýmettik jaýapty kásiporyn», «Eńbekti qorǵaý salasyndaǵy úzdik kásiporyn», «Úzdik ujymdyq shart», «Ekologııaǵa qosqan úlesi úshin» boıynsha ózara úzdikti anyqtaıdy. Sondaı-aq baıqaý aıasynda «Jyldyń úzdik áleýmettik jobasy» arnaıy syılyǵy tabystalady.
Baıqaýǵa qatysý tegin. Úmitkerler óz materıaldaryn qaǵaz túrinde jáne elektrondy formatta oblystardyń, respýblıkalyq mańyzy bar qalalardyń jergilikti atqarýshy organdaryna joldaý kerek.
Baıqaýǵa qatysty ózge aqparatty bilý úshin oblystardyń, Astana, Almaty jáne Shymkent qalalarynyń jumyspen qamtýdy úılestirý jáne áleýmettik baǵdarlamalar basqarmasyna nemese Eńbek jáne halyqty áleýmettik qorǵaý mınıstrligi Memlekettik eńbek ınspeksııasy komıtetiniń óńirlik departamentterine habarlasýǵa bolady.
