Foto: TSM Sportty damytý dıreksııasy
Bul jarysta álemniń 19 elinen kelgen 130 sportshy júldege talasady. Azııa qurlyǵynan Qazaqstan, О́zbekstan, Taıpeı, Úndistan memleketteri bar.
50 kelide 8 boksshy baq synaıdy.
Nurzat Ońǵarov – Asylbek Jalılov (О́zbekstan, 2024 jylǵy Azııa chempıony)
55 kelide 12 boksshy sharshy alańǵa shyǵady.
Nursultan Altynbek – Maıkl Trındade (Brazılııa, Parıj Olımpıadasynyń qatysýshysy, 2021 jylǵy Álem chempıonatynyń shırek fınalynda Mahmud Sabyrhanǵa ese jibergen)
60 kelide 7 boksshy judyryqtasady.
Talǵat Syrymbetov – Lýız Olıveıra (Brazılııa, Parıj Olımpıadasynyń qatysýshysy)
65 kelide 10 boksshy ózara kim myqtyny anyqtaıdy.
Almat Ábdýáli – Iýrı Reıes Falkao (Brazılııa, 2023 jylǵy álem chempıonatynyń qatysýshysy)
Bul juptyń jeńimpazy shırek fınalda Parıj Olımpıadasynyń chempıony Asahýdja Mýıdınhýdjaevpen (О́zbekstan) judyryqtasady.
70 kelide 12 boksshy jarys jolyn bastaıdy.
Bul salmaqta Darhan Dúısebaı shırek fınalda Makan Traore (Fransııa, Parıj Olımpıadasynyń qatysýshysy, 2023 jylǵy álem chempıonatynyń shırek fınalynda Aslanbek Shymbergenovke ese jibergen) men Krıshtıaný Pereıranyń (Brazılııa) jeńgenimen shyǵady.
80 kelide 11 boksshy jarys júldesin sarapqa salady.
Dıas Moljigitov – Nıkoden Kozak (Polsha)
Jartylaı fınalda 2021 jylǵy álem chempıony Robbı Gonzales (AQSh) nemese 2024 jylǵy Azııa chempıony Javohır Ýmmatalıevpen kezdesýi múmkin.
85 kelide 7 boksshy altyn úshin aıqasady.
Osy salmaqta el namysyn qorǵaıtyn Dáýlet Tólemisov jartylaı fınalda Abdýlaıe Traore (Fransııa, bıyl «Strandja» týrnırinde Bekzat Nurdáýletovten jeńildi) nemese Jýgno Jýgnoqa qarsy rıngke shyǵady. (Úndistan, 2024 jyly ótken 22 jasqa deıingi Azııa chempıonatynyń qola júldegeri)
+90 kelide 7 boksshy álem kýbogin baǵyndyrý úshin kúsh salady.
Danııal Saparbaı – Narender (Úndistan, 2023 jylǵy jazǵy Azııa oıyndarynyń qola júldegeri)
Jartylaı fınalda Jahongır Zokırov (О́zbekstan) kútip tur.
Búgin sharshy alańǵa erler quramasynan Nursultan Altynbek shyǵady.
Jarys jeńimpazdary 5 sáýir kúni anyqtalady.
