Osydan eki jyl buryn Tájikstannyń bas shahary – Dýshanbede uıymdastyrylǵan irikteý saıystarynda nebary úsh joldama sarapqa salynǵan edi. Ol kezde jerlesterimiz Ásel Serikbaı men Álisher Súleımenov jáne ózbekstandyq Nodırbek Iаkýbboevtyń baǵy janyp, Álem kýbogine qatysý quqyǵyn jeńip aldy. Al bıyl lısenzııalar sany jetige jetip otyr. Almatydaǵy jarystyń qorytyndysy boıynsha Nıý-Delıdegi dodaǵa (1-26 qarasha) tórt jigit qatyssa, úzdik shyqqan úsh qyz Batýmıdegi básekede (5-29 maýsym) baq synaıdy.
Atalǵan jarystyń júlde qory 20 000 AQSh dollaryn quraıdy. Erler men áıelder arasyndaǵy jarystyń jeńimpazdary 3 myń dollardan ıelense, ekinshi jáne úshinshi oryn alǵandarǵa 2,5 myń men 1,5 myń dollar tıesili. Sondaı-aq, tórtinshi ($1,2 myń), besinshi ($1 myń) jáne altynshy ($800) oryn alǵandarǵa da syıaqy beriledi.
Qazaqstannyń týy astynda erler arasynda Qazybek Nógerbek (GM, 2530 upaı), Álisher Súleımenov (GM, 2484), Ramazan Jalmahanov (GM, 2482), Jandos Aǵmanov (IM, 2469), Arystanbek Orazaev (IM, 2467), Edgar Mámedov (IM, 2456) jáne Azamat О́teǵalıev (IM, 2456) qorǵasa, áıelder saıysynda Merýert Kamalıdenova (IM/WGM, 2355), Alýa Nurman (WGM, 2336), Lııa Kurmanǵalıeva (FM/WGM, 2272), Ksenııa Balabaeva (WGM, 2270), Elnaz Qalıahmet (WGM, 2241), Ásel Serikbaı (WIM, 2235), Aıaýlym Qaldarova (WFM, 2204) jáne Zarına Nurǵalıeva (WFM 2178) óner kórsetedi.
О́zbekstan quramasy da óziniń myqty shahmatshylaryn Alataý baýraıyna ákele jatyr. Atalǵan týrnırde baq synaıtyndar arasynda Muhıddın Madamınov (GM, 2550), Ábdimálik Ábdisálimov (GM, 2525), Ortık Nıgmatov (GM, 2501), Muhammadzohıd Sýıarov (IM, 2474), Saıdakbar Saıdalıev (M, 2461), Afrýza Hamdamova (WIM, 2350) jáne Ýmıda Omonova (WIM, 2242) syndy sheberler bar. Sondaı-aq, Túrikmenstannyń sapyndaǵy Saparmurad Atabaevty da (IM, 2529) atap ótýge bolady.
