Aldaǵy kúnderi respýblıka aýmaǵynyń basym bóliginde aýa raıy turaqsyz bolady. Naızaǵaı oınap, jańbyr jaýady, soltústik jáne shyǵys óńirlerde túngi ýaqytta jańbyrdyń sońy qarǵa aınalýy múmkin.
Ortalyq pen ońtústik aımaqtarda ǵana joǵary qysym alqabynyń áserinen jaýyn-shashynsyz aýa raıy kútiledi. Batys, soltústik jáne shyǵys óńirlerde jel kúsheıip, taýly aýdandarda tuman túsedi.
- El aýmaǵynyń basym bóliginde kúndiz temperatýra 8-13 gradýstan 15-20 gradýsqa deıin, ońtústikte 18-23 gradýstan 20-28 gradýsqa deıin, ońtústik-shyǵysta 12-20 gradýstan 18-23 gradýsqa deıin kóteriledi, al shyǵysta 5-15 gradýs jyly bolady. Batysta temperatýra 15-25 gradýstan 13-22 gradýsqa deıin tómendeıdi, – delingen habarlamada.
