Tabıǵatty tazartý, ekologııalyq ahýaldy jaqsartý maqsatyndaǵy ıgi bastamaǵa oblystyń kásipkerlik jáne ındýstrııalyq-ınnovasııalyq damý, turǵyn úı-kommýnaldyq sharýashylyq jáne abattandyrý basqarmalarynyń qyzmetkerleri men óńir kásipkerleri jumyla atsalysty. Sonyń arqasynda «Taza Qazaqstan» ekologııalyq aksııasy aıasynda oblystyń birqatar kásiporynnyń aýmaǵynda aýyz toltyryp aıtarlyqtaı jumystar atqaryldy. Atap aıtqanda, qala aýmaǵynda 1205 túp aǵash otyrǵyzylyp, 50 tonna qoqys shyǵaryldy. Alataý qalasynda ornalasqan «PepsıKo» JShS 870 túp aǵash, Qonaev qalasyndaǵy «Iýnıpak-Shymkent» JShS 30 túp aǵash otyrǵyzdy. Is-sharaǵa «Atameken» óńirlik kásipkerlik palatasy da úles qosty.
«Qala aýmaǵyna aǵash otyrǵyzý – bolashaq urpaqqa jasyl ári taza orta qalyptastyrýdyń úlgisi. Bul shara jergilikti turǵyndardyń ekologııalyq sana-sezimin kóterýmen qatar, jasyl jelekpen kómkerilgen qalaǵa degen súıispenshilikti arttyra túsedi», deıdi tabıǵat janashyrlary.
Almaty oblysy
