Foto: Qorǵanys mınıstrliginiń baspasóz qyzmeti
Qorǵanys mınıstri general-polkovnık Rýslan Jaqsylyqov garnızonǵa sapary barysynda Parlament depýtattarymen birge alańdy, qarý-jaraq pen jaýyngerlik mashınalardyń quramyn qarap, tehnıkany boıaý sapasyn baǵalap, jaýapty tulǵalarǵa nusqaýlar berdi.
Keńes Odaǵynyń Batyry general-maıor Ivan Panfılovtyń nemeresi Alýa Baıqadamova basqaratyn Ulttyq áskerı-patrıottyq ortalyq pen Jaýyngerlik dańq murajaıynyń fılıaly ornalasqan Armııa úıinde de qaıta qalpyna keltirý jumystary júrgizilip jatyr.
«Almaty úshin Armııa úıiniń mádenı mańyzy zor. Bul – tarıhı sáýlet eskertkishi. Sondyqtan biz onyń bastapqy kelbetin qalamyz ben elimizdiń eń kórikti jerleriniń biri retinde saqtaýǵa mindettimiz», dep atap ótti Rýslan Jaqsylyqov.
Mınıstrliktiń málimetinshe, ǵımaratty qaıta qalpyna keltirýdegi basty erekshelikterdiń biri ashyq aspan astyndaǵy jaýyngerlik tehnıka murajaıyn ashý bolmaq. Murajaı ekspozısııasyn atalǵan soǵys jyldaryndaǵy qarý-jaraqtyń 30-ǵa jýyq úlgisi quraıdy. Eń qundy eksponattardyń qatarynda 1931 jylǵy 152 mm gaýbısa bar.
