Foto: iStock
Vıse-mınıstrdiń aıtýynsha, sýperkompıýter — bul túrli serverler men derekterdi saqtaý júıeleriniń jınaǵy. Bul esepteýish mashına GPU (Graphics Processing Unit, grafıkalyq prosessor) negizinde jumys isteıdi jáne neırondyq jeli men jasandy ıntellekt modelin qamtıdy.
«Qurylǵylar satyp alyndy, alǵashqy pılottyq bazalyq qyzmetter, mysaly, eGov.AI osy ónimde tekseriledi. eOtinish arqyly úlken derekterdi óńdeý analızi taǵy da synaqtan ótip jatyr. Qazirgi tańda Ádilet mınıstrligimen birge zańnama boıynsha keńes beretin bot pen AI-assıstentti de synaqtan ótkizip jatyrmyz», dedi Rostıslav Konıashkın.
Vıse-mınıstr atap ótkendeı, memlekettik organdarda ıntellektýaldy kómekshilerdi tolyqqandy engizý úshin úlken resýrstar qajet. Osy jyldyń sońyna deıin birneshe jabdyqty jetkizý josparlanǵan, onyń ishinde jasandy ıntellekt úshin serverler men jabdyqtardy damytýda kóshbasshy Nvidia kompanııasynyń ozyq sheshimderi bar.
«Bizdiń aldymyzda ártúrli salalarda 50 AI-agenti men AI-assıstentterin qurý mindeti tur. Qazirgi tańda memlekettik organdarmen birlesip, osy AI-agentter men AI-assıstentterdiń kartasy ázirlendi. Olar arqyly azamattar men bıznes úshin múmkindiginshe kóp qyzmetterdi qamtý kózdeldi. Biz onyń azamattar men bıznes úshin tıimdiligin jáne paıdasyn, sondaı-aq memlekettik sektordaǵy prosesterdi ońaılatý men bıýrokratııadan aryltý máselesin túsinýimiz qajet», dep túıindedi vıse-mınıstr.
Buǵan deıin Sıfrlyq damý, ınnovasııalar jáne aeroǵarysh ónerkásibi mınıstri Jaslan Madıev sýperkompıýterdi qurý kúrdeli mindet ekenin jáne qajetti chıpterdi satyp alý qıynǵa soǵatynyn málimdegen bolatyn.
