Foto: Vıdeoskrın
«Jalpy Inder aýdany boıynsha 30 km bóget soǵyldy, qazir 11 evakýasııalyq pýnkt daıyn tur. Aımaq turǵyndaryna sý tasqyny qaýpine baılanysty úı janýarlaryn qaýipsiz aımaqqa shyǵarý týraly eskertý berildi», dedi R.Ibraemov.
Sonymen qatar Inderbor kenti ákiminiń Shalqar Almýrzıevtiń aıtýynsha, ótken jyly Inderbor kentindegi sý deńgeıi 10 metr 41 sm-ge deıin kóterilgen. Bıyl aldyn alý jumystary nátıjesinde bóget qosymsha 1,5 metrge bıiktetilip otyr.
Atyraý oblysynyń TJ jónindegi jedel shtabynyń baspasóz qyzmetiniń málimdeýinshe, búginde Yntymaq, Kóktoǵaı, Bódene, Jarsýat aýyldaryndaǵy bógetterdi kúsheıtý jospary tolyǵymen aıaqtaldy. Qazir О́rlik aýylynda bul jumystar 97%-ǵa oryndalyp, 2 tehnıka, Esbol aýylynda bógetti nyǵaıtý 85%-ǵa aıaqtalyp, 3 tehnıka, Qurylys aýylynda bógetti kóterý 65%-ǵa oryndalyp, 13 tehnıka, al jyrany biteý jumystary boıynsha 5 tehnıka jumys istep jatyr.
