Foto: astanatv.kz
Búgin Almaty qalalyq PD ákimshilik polısııa basqarmasynyń prosessıngtik ortalyǵynyń bastyǵy, polısııa podpolkovnıgi Aıdyn Merkimbaev eki kúnnen keıin megapolıste mopedterdi tirkeý jónindegi respýblıkalyq naýqan aıaqtalatynyn habarlady.
«Mopedterdi tirkeý máselesi – tártip pen qaýipsizdikke baǵyttalǵan mańyzdy shara. Zań jolda júrgender úshin birdeı, al ony saqtaý árkimniń qaýipsizdiginiń kepili. О́zgeristerdiń maqsaty-ómirdi qıyndatý emes, ony saqtap qalý. Biz mopedterdiń qatysýymen apattylyqtyń úreıli ósýin kórip otyrmyz jáne memleket ýaqtyly áreket etti», dedi polısııa podpolkovnıgi.
Aıdyn Merkimbaevtyń aıtýynsha, 2024 jyly Almatyda mopedterdiń qatysýymen 1084 jol-kólik oqıǵasy tirkelgen.
Podpolkovnık atap ótkendeı, bul másele júrgizýshilik qujattary joq, jol qozǵalysy erejelerin bilmeıtin moped mingen kýrerler arasynda jıi oryn alady.
«Jańa ózgerister bizge moped ıelerin anyqtaýǵa ǵana emes, sonymen qatar Almaty joldaryndaǵy jalpy tártip deńgeıin arttyrýǵa múmkindik beredi», dep atap ótti spıker.
Búgingi tańda Almatyda 8 myńǵa jýyq kólik quraly tirkelgen, olardyń bir bóligi eksterrıtorııalyq qaǵıda boıynsha, ıaǵnı ıesiniń tirkelgen jerine qaramastan rásimdelgen.
Polısııanyń habarlaýynsha, naýqan aıaqtalǵannan keıin tirkelmegen mopedti basqarý Ákimshilik quqyq buzýshylyq bolyp sanalady.
