PETROPAVL. 5 mamyr. Qyzyljar aýdanynyń ortalyǵynda ornalasqan Beskól ıppodromynda at báıgesiniń maýsymy saltanatty jaǵdaıda ashylyp, Astanadan, Shortandydan, Reseıdiń Magnıtogorsk qalasynan jáne Qyzyljar óńirinen kelgen 50 shabandoz at jarystary baǵdarlamasy boıynsha kommersııalyq saıystarǵa qatysty. Bul týraly oblystyq deneshynyqtyrý jáne sport basqarmasy habarlady.
Oblys ákiminiń birinshi orynbasary Aıdarbek Saparovtyń quttyqtaý tileginen keıin ulttyq sport merekesin qyzyqtaýshylar aldymen jorǵa jarysyn tamashalady. 1600 metrlik qashyqtyqta Ǵ. Músirepov aýdanynyń namysyn qorǵaǵan Lınara Ýsmanovanyń «Mırat» esimdi júırigi sóre syzyǵyn birinshi qıdy. Jelisti jylqylar saıysynda qyzyljarlyq Artem Chıbısovtyń «Gıgantyna teń keler sáıgúlik tabylmady.15 shaqyrymdyq alaman báıgede Anatolıı Pıpkonyń qylquıryǵy top jardy.
At jarystarynyń baǵdarlamasyna engen qunan báıge, top báıge jarystary da kórermenderdiń delebesin qozdyrdy. О́mir Esqalı. Derek: Soltústik Qazaqstan oblystyq deneshynyqtyrý jáne sport basqarmasy. Sýret: egemen.kz
