«Sý resýrstaryn tutyný mádenıetin arttyrý, tutynýshylardy sý men jylýdy únemdeýge yntalandyrý úshin tabıǵı monopolııalar týraly zańnamaǵa «tutynýdyń áleýmettik normalary» uǵymy engizildi. Bul «neǵurlym kóp únemdeseńiz, soǵurlym az tóleısiz» qaǵıdaty boıynsha sýmen, jylýmen jabdyqtaý qyzmetterin tutyný kólemine baılanysty joǵary tarıfterdi belgileýge baǵyttalǵan», deıdi maman.
Ardaq Jańabaevanyń aıtýynsha, sýmen jabdyqtaýda tarıfterdiń tórt deńgeıli júıesi qoldanylady: 3 m³ deıin – qoldanystaǵy tarıf; 3-ten 5 m³ deıin – +20%; 5-ten 10 m³ deıin – +50%; 10 m³ joǵary jáne eseptegish bolmaǵan jaǵdaıda – qos tarıf eseptelinedi.
Jylytý normalary turǵyn úıdiń aýdany boıynsha esepteledi: 100 m² deıin – bekitilgen tarıf; 100-den 200 m² deıin – +10%; 200 m² joǵary– ortasha tarıf.
Sarapshy saralanǵan tarıfterden túsetin qosymsha qarajat turǵyn úı-kommýnaldyq sharýashylyǵyn jańartý isine jumsalatynyn aıtady. Atap aıtqanda, ınjenerlik jeliler jańartylyp, resýrs únemdeıtin tehnologııalar engiziledi jáne esepteý qurylǵylary ornatylady.
Qazirgi tańda ınvestısııalyq baǵdarlamalardy ózgertý úshin «Almaty Sý» (3,3 mlrd teńge) men «Almaty jylý júıesiniń» (83 mln teńge) ótinishteri qaralyp jatyr.
«Bul sharalar ınfraqurylymdy damytyp qana qoımaı, turǵyn úı kómegi esebinen muqtajotbasylardy ataýly túrde qoldaýǵa múmkindik beredi», deıdi A.Jańabaeva.
