Kitap lıtva tilinde jaryq kórdi.
Qazaqstan Respýblıkasynyń Lıtva Respýblıkasyndaǵy Tótenshe jáne О́kiletti Elshisi Tımýr Orazaev kitaptyń tanystyrylymyna qatysty.
Kitaphana dırektory Emılııa Banıonıte «Mamlıýk» kitaby tek Lıtvada ǵana emes, búkil Baltyq óńirinde qazaq mádenıetiniń «tartylys ortalyǵy» bolyp qala beretin Abaı Qunanbaıuly atyndaǵy oqý zalynyń marjany bolatynyn atap ótti.
Jınalǵandarǵa avtor da beıne habarlama arqyly qosylyp, jyly lebizin bildirdi.
E.Tursynov sharaǵa qatysýshylardyń barlyǵyna óz shyǵarmashylyǵyna kóńil bólip otyrǵany úshin alǵys aıtyp, kitaptyń lıtvalyq oqyrmandy tabatynyna senim bildirdi. Ol úshin bul zertteýler men Sultan Beıbarystyń izimen Shyǵysqa saıahat jasaý qyzyqty prosess boldy.
Lıtvanyń Estonııa, Túrkııa, Ázirbaıjan, О́zbekstan jáne Fınlıandııadaǵy kópjyldyq elshisi Galına Kobeskaıte óz kezinde jýrnalıst jáne aýdarmashy laýazymynan bastap, ádebı aýdarmalar arqyly halyqtar yntymaqtastyǵyna kómektesý qanshalyqty mańyzdy degen qorytyndyǵa kelgenin aıtyp berdi.
Kitap Qazaqstannyń Lıtvadaǵy Elshiliginiń qamqorlyǵymen demeýshilik qarajatqa basylyp shyqty. Elshilik Qazaqstannyń Lıtvadaǵy Qurmetti konsýldaryna, jergilikti qazaq dıasporasyna, lıtvalyq kompanııalarǵa jáne «Žara» baspa úıine kómek kórsetkeni úshin alǵys bildiredi. Vılnıýs ýnıversıtetiniń dosenti Antanas Smetonege aýdarma jumysy úshin erekshe rızashylyq bildirildi.
Is-sharaǵa qatysýshylar qazaqstandyq kórkem ádebıetpen tanysý lıtvalyq oqyrmandardyń elimizdiń tarıhy men túrki murasy týraly bilimderin keńinen tanymal «Born Bold» logyn aqtaıtyn iri tarıhı tulǵalar mysalynda keńeıtýge yqpal etetinine senim bildirdi. Lıtva tilindegi «Mamlıýk» kitaby keler jyldyń basynda jyl saıynǵy «Vilnius Book Fair» kitap jármeńkesinde usynylady.
Is-sharaǵa Lıtva Seıminiń depýtattary, sheteldik elshiler, memlekettik organdardyń, akademııalyq, qoǵamdyq jáne bıznes toptardyń, sondaı-aq Lıtva BAQ ókilderi qatysty.
