Ár beınede – názik syr

Kórme áıel beı­ne­sine jáne onyń aınalasynda qa­lyp­tasatyn erekshe rýhanı álemge arnalǵan. Bul — náziktik pen tabandylyq, dástúr men zamanaýı kózqaras, danalyq pen tereń paıym úılesim tapqan keńistik. Eks­pozısııada usynylǵan ju­mystar emosıonaldyq áserimen, batyl kórkemdik she­shimderimen, kóz tar­tar­lyq tústik palıtrasymen erek­shelenedi.

Memlekettik ortalyq mý­zeıdiń syrtqy baılanystar bóliminiń jetekshisi Anna Kýshenko sýretshilerdiń qol­tańbasy san túrli bolǵanymen, olardyń jan dúnıesin toǵys­tyratyn qundylyq – ónerge hám ómirge degen súıis­pen­­­shilik ekenin atady. Ol kór­medegi árbir týyndy adam boıyna úmit uıalatyp, senim men shabyt beretinin aıtady.

Kórmede usynylǵan shy­ǵar­malarda qazirgi ómir­diń shyndyǵyn kórsetetin áleý­mettik taqyryptaǵy tu­jy­rym­damalyq jumys­tardan basqa, fılosofııalyq oılar, dereksiz keskindeme de kez­desedi. Grafıka, akvarel mánerimen usynylǵan keı­bir týyndy oı tereń­di­gimen, úılesimdi kolorıs­tıkalyq kombınasııasymen erekshelenedi.

О́ner jármeńkesinde sóz alǵan joba kýratory — Qa­zaqstan Sýretshiler oda­ǵy­nyń múshesi Indıra Elıf Badambaeva qatysýshylar­dy alǵashqy kórmelerimen qut­tyqtap, shyǵarmashylyq tabys tiledi. «Bul kórme — bizdiń ortaq jolymyzdyń ná­tıjesi. Bizdiń sýretshiler shyn máninde qaısar, shynaıy ári erekshe jandar. Búgin munda qoltańbamyzdy ǵana usynǵan joqpyz, álemge óz únimizdi jetkizdik. Shákirtterimniń tyr­naqaldy talpynysyn óner janashyrlary joǵary ba­ǵalaǵany kóńilge qýanysh uıalatady», deıdi ol.

Stýdııa qatysýshylary óner álemine jol ashqan shy­ǵarmashylyq ujym men ustazdaryna alǵys bildirip, jú­rekjardy lebizin jetkiz­di. Olardyń keıbiri úshin bul kór­me alǵashqy qadam ǵana emes, jeke jeńis pen shyǵar­mashylyq joldaǵy mańyzdy beleske aınalǵan.

Kórmede Aıjan Abdırova, Nurgúl Ábisheva, Mádına Aq­moldaeva, Dına Álihanova, Áı­gerim Baqaeva, Raýshan Imanbaeva, Nuraı Isenǵulova, Injý Qasymova, Marına Kım, Gaýhar Murzabekova, Eleo­nora Orazova, Ásel Ságim­baeva, Dınara Sákenova, Ka­terına Sııdra, Tańsulý Simtikova, Polına Tregýbova, Jibek Tólegenova, Ǵaını Tó­rebaeva, Álınur Ýálıeva, Aıda Úsenbaevalardyń jáne stý­dııa jetekshisi Indıra Elıf Badambaevanyń 70-ten asa jumysy usynylǵan.

ALMATY