Taldyqorǵanda «Jetisý bórisiniń» jeńimpazdary anyqtaldy

TALDYQORǴAN. 5 mamyr. Taldyqorǵanda qazaq kúresinen «Jetisý bórisi» oblystyq irikteý týrnıri bolyp ótti. Bul týraly egemen.kz tilshisi habarlady. Saltanatty sharanyń ashylý rásiminde Almaty oblysy ákiminiń orynbasary Serik Turdalıev quttyqtaý sóz sóılep, jarysqa qatysýshylarǵa sáttilik tiledi. Dúbirli dodaǵa óńirdegi 16 aýdan men 3 qaladan barlyǵy 37 palýan qatysty. Fınaldyq irikteý nátıjesi boıynsha Qarasaı aýdanynyń qos palýany A.Kasachev I  oryndy, Q. Ramazanov II oryndy ıelendi. Al kóksýlyq A. Qańlybaev III orynǵa taban tiredi. Esterińzge sala keteıik, «Jetisý bórisi» básekesinen alǵashqy eki oryndy jeńip alǵan qos palýan aǵymdaǵy jylǵy 5 shildede Astana qalasynda ótetin Qazaqstan Respýblıkasy Prezıdentiniń júldesine arnalǵan «Qazaqstan barysy» respýblıkalyq týrnırine qatysady. Nurbol Áldibaev. Derek: egemen.kz. Sýret: zhetysu.gov.kz.