Konferensııa aıasynda Qazaqstan, Kanada, AQSh, Túrkııa elderinen kelgen bedeldi ǵalymdar men tájirıbeli mamandar bas qosty. Alqaly jıynǵa Atyraý oblysy Bilim berý basqarmasynyń ókilderi, otandyq joǵary oqý oryndarynyń professorlary, jas zertteýshiler men bolashaq pedagogter qatysty. «Aqparattyń qazirgi qoǵamda taralý erekshelikterin eskere otyryp, meniń oıymsha, Daınıng-Krıýger áserine saı, kóptegen adamdar ınklıýzıvti bilim berý máselesinde ózin sarapshy sanaıdy. Oǵan qosa, birneshe aılyq onlaın kýrstan ótken psıhologtardyń kóptigi jaǵdaıdy kúrdelendire túsýde. Sol sebepti búgingi forýmnyń ótkizilýi óte ózekti dep sanaımyn. Bul forým erekshe qajettilikteri bar balalardyń ınklıýzııasyna qatysty ǵylymı negizdelgen usynystardy ázirleýge múmkindik beredi», dedi H.Dosmuhamedov atyndaǵy Atyraý ýnıversıteti Dırektorlar keńesiniń tóraǵasy, memleket jáne qoǵam qaıratkeri Beıbit Mamraev alǵy sózinde.
Plenarlyq otyrys barysynda AQSh-tyń Djordj Meıson ýnıversıtetiniń professory Fred Bemak, Kanadadaǵy Saımon Freızer ýnıversıtetiniń professory Robert Ýılıamson, Túrkııanyń Hadjettepe ýnıversıtetiniń professory Iаsemın Ozkan syndy ǵalymdar ınklıýzıvti bilim berýdiń jahandyq tujyrymdamasy, fılosofııasy jáne áleýmettik áseri jaıly mazmundy baıandamalar jasady.
Fred Bemak óz sózinde jahandaný úderisi shapshań júrip jatqan qazirgi qoǵamda áleýmettik osal toptardyń sapaly bilimnen shet qalý qaýpi joǵary ekendigin aıtyp, ınklıýzıvti bilim berý – sol olqylyqtyń ornyn toltyrýǵa baǵyttalǵan mańyzdy qadam ekenin basa aıtty.
Al professor Robert Ýılıamson ınklıýzııa uǵymynyń ár elde ártúrli túsindiriletinin jáne bul jaǵdaı halyqaralyq tájirıbe almasýǵa kedergi keltirip otyrǵanyn tilge tıek etti. Osy baǵytta ol «Inklıýzıvti bilim berýdiń salystyrmaly halyqaralyq negizi» (CIFIE) atty modeldi usyndy. Bul tásil jergilikti erekshelikterdi eskere otyryp, ámbebap strategııa qurýǵa múmkindik beredi. «Inklıýzıvti bilim berýdi aıqyndaıtyn halyqaralyq kelisimder bolǵanymen, bul uǵym mánmátinderde árqalaı túsindiriledi. Mundaı aıyrmashylyqtar salystyrmaly zertteýler júrgizýge jáne naqty jaǵdaıǵa beıimdelgen tıimdi strategııalardy ázirleýge kedergi keltiredi. Osy máseleni sheshý maqsatynda Inklıýzıvti bilim berýdiń salystyrmaly halyqaralyq negizi (CIFIE) ázirlendi», dep atap ótti Kanadanyń Saımon Fraızer (Simon Flazer) ýnıversıtetiniń professory, doktor Robert Ýılıamson.
Túrik professory Iаsemın Ozkan ınklıýzıvti bilim berý – adam quqyǵynyń negizgi kórinisi ekendigin atap ótti. Onyń aıtýynsha, bul júıe balalardyń qandaı da bir ereksheligine qaramastan bilimge birdeı qoljetimdiligin qamtamasyz etedi.
Konferensııada, sonymen qatar, Kanadanyń Ýest ýnıversıtetiniń professory Aıgerim Shılibekova, Q.Jubanov atyndaǵy Aqtóbe ýnıversıtetiniń dosenti Zaýresh Imjarova, Atyraý oblystyq bilim berý basqarmasynyń mamandary men ýnıversıtet oqytýshylary ózekti taqyryptarda pikir almasty.
Jıyn sońynda professor Robert Ýılıamsonǵa Halel Dosmuhamedov atyndaǵy Atyraý ýnıversıtetiniń «Qurmetti professory» ataǵy saltanatty túrde tabystaldy. Bul – Qazaqstan men Kanada arasyndaǵy ǵylymı baılanystardy nyǵaıtýdyń naqty aıǵaǵy.
Halyqaralyq jıynnyń seksııalyq otyrystary ári qaraı da óz jalǵasyn taýyp, zertteý men tájirıbe almasýdyń jańa baǵyttaryn aıqyndaı tústi.
