Foto: Turizm jane sport ministrligi
Sporttyq gımnastıka: Horvatııanyń Osıek qalasynda Álem kýbogi kezeńinde Qazaqstan quramasy sportshylary úsh medal jeńip aldy. Mılad Karımı kermedegi jattyǵýda top jaryp, erkin jattyǵýda qola júldeni enshiledi. Al Narıman Qurbanov tutqaly at baǵdarlamasynda úshinshi orynǵa ıe boldy.
Tennıs: Qazaqstannyń áıelder jáne 14 jasqa deıingi jasóspirimder quramasy álem chempıonatyna joldama aldy. Áıelder komandasy kezekti ret Bıllı Djın Kıng kýboginiń, al jasóspirimder komandasy el tarıhynda ekinshi ret álem birinshiliginiń fınaldyq kezeńine joldama aldy.
Taekvondo: Serbııanyń Belgrad qalasynda ótken Serbia Open G1 halyqaralyq týrnırinde Qazaqstannyń kadetter jáne jasóspirimder quramalary 11 medal oljalap, jalpy komandalyq esepte birinshi oryndy ıelendi.
