Osy rette jasandy ıntellektini qalaı tıimdi paıdalanýdy úırendik. Jasandy ıntellekt shyqty, endi jýrnalısterdi ysyryp tastaıdy degen qaýeset sóz de tarady. Bolashaqta bul mamandyq qurdymǵa ketedi degen pikirler de aıtylyp jatyr. Kezinde telearna alǵash ret shyqqanda gazettiń kúni bitedi degen jańsaq pikirler sekildi jasandy ıntellektiden de biraz kúdik alǵanymyzdy jasyrmaımyn. Mamandar osynyń táýekel tustary men paıdasyn aıtyp, júregimiz ornyna túskendeı boldy. Olar jasandy ıntellekt daıyndap bergen jobany adamı, jýrnalıstik kásibı turǵyda qaıta qaraýdy talap etinin aıtty.
Meni jasandy ıntellektiniń múmkindigi zor, eńbek tolyqtaı soǵan tıesili bolyp, jýrnalısterdiń oǵan áseri mańyzsyz bolyp qalady degen oı mazalaǵany ras. Biz – shyǵarmashyl adambyz. Sondyqtan da mundaı kezdesýler bir jaǵynan jańa izdenisterge serpin berip, rýhtandyrady. Sondaı-aq jýrnalıst etıkasyn da qarastyrdy. Ásirese aımaqtaǵy jýrnalısterge mundaı trenıng, forýmdar óte qajet. Joldyń shalǵaılyǵynan kóp kele bermeımiz. Sondyqtan osyndaı múmkindikti paıdalanyp qalýǵa tyrysamyz.
О́ńirde bolǵan soń bizde kadr jetispeýshiligi degen másele bar. Keıingi kezde telearnaǵa aǵa býyn qaıta orala bastady. Sebebi aǵa býynnyń júrgizgen habarlary kóbirek senim qaldyratyn sekildi. Bul turǵydan kelgende bizdiń arnada aǵa býyn ókilderi qyzmet etedi. Kórermen olarǵa ábden kóztanys bolǵan, senimdi aqparat kózi retinde qaraıdy. Jastar bolsa, qyzyqty jobalarymen tańǵaldyrady. Ásirese olar laıf dep júrgen tikeleı efır baǵytyndaǵy habarlarǵa tez beıimdelip aldy. Qazir oqıǵa ornynan, telefonǵa bolsa da túsirip jiberip jatady. Sheteldik sarapshylardyń aıtýynsha, olarda da osyndaı úrdis qalyptasqan eken.
Dınara JUMABEKQYZY,
«Aq Jaıyq» telearnasynyń shef-redaktory
