Bul týraly Bas prokýror Berik Asylov óziniń X-tegi paraqshasynda habarlady.
SIM KIDS atty pılottyq joba baılanys operatorlarymen birlesip Almatyda iske qosylǵan.
– Bul – sýısıdti nasıhattaý, pornografııa, esirtki, onlaın-kazıno jáne ózge de ınternet-qaterlerden qorǵaıtyn arnaıy balalarǵa arnalǵan sım-karta. Osy sım-kartanyń kómegimen ata-analar balasynyń qandaı qosymshalardy paıdalanyp júrgenin baqylap, zııandy saıttarǵa qoljetimdilikti shektep, qurylǵy únsiz rejımde bolsa da, balasyna qońyraý shala alady, – dedi vedomstvo basshysy.
Asylovtyń sózinshe, joba ata-analar arasynda úlken qyzyǵýshylyq týdyrdy.
Synaq kezeńi aıaqtalǵannan keıin bul sım-karta barshaǵa qoljetimdi bolady.
