Bilikti mamandarmen tolyǵady

Qurylys ındýstrııasy, óndiris, aýyl sharýashylyǵy, kólik jáne logıstıka sııaqty salalarda kadr tap­shy­. Sondyqtan jańa ju­mys oryndaryn quryp qana qoı­maı, kadrlardyń tıisti daıar­ly­ǵyn qamtamasyz etýdiń jóni bólek.

Qazirde jumyssyz azamattardy, sonyń ishinde jastardy jumysshy mamandyqtaryna tegin oqytýdy usynatyn birqatar memlekettik baǵdarlamalar bar. Qaıta daıarlaý baǵdarlamalary ártúrli jastaǵy adamdarǵa jańa mamandyq alýǵa múmkindik beredi. Eńbek jáne halyqty áleýmettik qorǵaý mınıstrligi memlekettik organdarmen, ákimdiktermen birlesip kásiptik bilim berý, jumyspen qamtý salasyndaǵy jaǵdaıdy aıtarlyqtaı jaq­sar­týǵa baǵyttalǵan is-shara­lar keshenin qolǵa aldy. Eńbek na­ryǵyn bilikti kadrlarmen to­lyq­­tyrý men azamattardyń áleý­mettik-ekonomıkalyq ál-aýqa­tyn arttyrýǵa múmkindik bere­tin jumys aıasynda bos oryn­dar jármeńkelerin ótkizý, kásibı standarttardy jetildirý, jumys berýshilermen ózara is-qımyldy kúsheıtý kózdelgen. Mı­nıstrliktiń halyqty jumys­pen qamtý departamentiniń dırek­tory Ázız Ibragımovtiń aı­týynsha, qurylys, aýyl sharýa­shylyǵy, óńdeý ónerkásibi, den­saý­l­yq saqtaý salalarynda jumysshy kadrlar joǵary su­ranysqa ıe. «Aldaǵy 6 jylda kadrlarǵa jıyntyq sura­nys 1,6 mln adam sanyna baǵa­lana­dy. Onyń 900 myńǵa jýyǵy – kásiptik-tehnıkalyq bilimi bar qyz­metkerlerge, 400 myńnan as­tamy jumysshy mamandyq ıele­rine tıesili bolady», deıdi ol.

Qurylys salasyndaǵy eń úl­ken suranys: sylaqshylardyń (9 758 adam), qurylys brıgada­la­ry prorabtarynyń (9 477 adam), dá­nekerleýshilerdiń (7 229 adam) úlesine tıesili. Aýyl sharýa­­shylyǵy salasyna: 10 695 fermer, 7 141 traktorshy, 4 940 iri qara ósirý­shi kerek. Sol sekildi óńdeý ónerkásibinde: dánekerleýshilerge (3 342 adam), tiginshiler men kıimdi qalpyna keltirýshilerige (2 606 adam), ónerkásiptik jabdyqtardyń slesarlaryna (2 367 adam), santehnıkter men qubyr ótkizýshilerge (2 051 adam) qajettilik artady. Den­saýlyq saqtaý salasy 24 614 orta me­dı­sınalyq qurammen, 4 604 jedel járdem júrgizý­shi­si­men, 4 536 feldshermen tolyǵýǵa tıis.

«Mansap kompasy» platfor­ma­synyń bazasynda 100 myń joǵary synyp oqýshylaryn qamtı otyryp, kásiptik baǵdar berý jumystary júrgiziledi. Qazirgi ýaqytta osy platformada kásibı dıagnostıka boıynsha fýnksıonaldy engizý bastalyp, sáýirde iske qosylmaq. Sondaı-aq «Jastar praktıkasy» jobasy aıasynda jas mamandardy daıarlaýǵa keminde 35 myń tálimger tartý, jumys ornynda kásiptik oqytý josparlanǵan. Bıyldyń ózinde jastar praktıkasyna 3,2 myń adam jiberildi. Jergilikti atqarýshy organdardyń máli­metinshe, jastar praktıkasyna qatysýshylarǵa 2 645 tálimger bekitilgen.

Búginde «Skills Enbek» platformasynda 9 827 oqýshy men TjKB stýdentteri onlaın-oqytýmen qamtyldy. Sondaı-aq bıyl ke­min­de 500 myń oqýshy men TjKB stýdentteri «Elektrondyq eńbek bırjasy» biryńǵaı sıfrlyq platformasyn paıdalana otyryp, jumys izdeý, jumysqa ornalastyrý daǵdylaryna oqyty­la­dy. TjKB-nyń úzdik myń túle­gin eldiń jetekshi kompanııalaryna jumysqa ornalastyrý jos­parlanǵan. Jumys berýshi jumys­syzdardy 6 aılyq kásiptik oqytý­dy uıymdastyrady.

Bıyldan bastap elimizdiń bar­­lyq óńirlerinde bos jumys oryn­dary jármeńkeleri jumys­shy mamandyqtaryna basymdyq bere otyryp ótkiziledi. Elordada mundaı jármeńke «Jumysshy mamandyqtar qalasy» festıvali aıasynda ótip, bir aptaǵa sozyldy. Osylaısha, bos jumys oryndary jármeńkelerine myńnan astam jumys berýshi qatysyp, jumysshy mamandyqtar boıyn­sha 9,6 myń bos jumys ornyn usyndy.

Sonymen qatar sý sharýa­shy­lyǵy, mashına jasaý, hımııa ónerkásibi, taý-ken metallýrgııa ónerkásibi, qurylys, jeńil ónerkásip, aýyl sharýashylyǵy salasy, kólik logıstıkasy, avto­mobıl joldary, taǵy basqa sala­lar­da 100 kásiptik standart ázir­lenip, jańartylady. Bilik­tilikti taný­dy baǵalaý tórt táýelsiz orta­lyq­tyń bazasynda bastalǵan. Taǵy bes ortalyq ashylyp, ekeýi ha­lyq­ara­­lyq standarttarǵa negiz­de­letin bolady.