Saltanatty rásimde aımaq basshysy Nurlybek Nálibaev óńirdegi mádenıet pen rýhanııat salasynda atqarylǵan jumystarǵa toqtalyp ótti.
О́tken jyly óńirimizde jarııalanǵan «Rýhanııat jyly» aıasynda barlyq 7 aýdanda quny 11 mlrd 500 mln. teńge bolatyn, ishinde neke qııý zaly, kitaphana, mýzeı, arhıv, jastar saraıy, ardagerler men analar úıi bar «Rýhanııat ortalyqtary» salynyp, el ıgiligine qyzmet etýde. «Anaǵa taǵzym», «Otbasy ortalyǵy», kópfýnksıonaldy 1000 oryndyq «О́ner ortalyǵy» salynyp, paıdalanýǵa berildi. Qazir oblys ortalyǵynda «Shyǵarmashylyq akademııasy», «Saýts Oıl» kompanııasynyń demeýshiligimen mýzykalyq kolledjdiń jańa ǵımaraty, tarıhı-ólketaný mýzeıi salynyp jatyr. Atalǵan nysandar jaqyn kúnderi iske qosylmaq.
Saltanatty sharada aımaqtyń mádenıet salasyna eleýli úles qosqan sala mamandary marapattaldy. Asanáli Áshimov jyly lebizin bildirip, Tuńǵyshbaı Jamanqulov Qazaqstan teatr qaıratkerleri odaǵynyń «Dara» medalin tabystady. Sondaı-aq, festıval qonaǵy, Sábıra Maıqanovanyń qyzy Gúldár Ábdilqyzyna qurmet kórsetildi.
25–30 sáýir aralyǵynda ótetin festıvalge Grýzııa, Rýmynııa, Qyrǵyzstan memleketterinen kelgen teatr ujymdarymen qatar, Jezqazǵan, Semeı, Aqtóbe, Atyraý, Taldyqorǵan, Qostanaı jáne Almaty óńirleriniń sahnagerleri qatysady.
