Aldaǵy jalpy otyrysta depýtattarǵa mindetti áleýmettik medısınalyq saqtandyrý máseleleri boıynsha ózgerister men tolyqtyrýlar engizý týraly zań jobasyn birinshi oqylymda qaraý usynylady.
Zań jobasyn Prezıdenttiń 2024 jyldyń 2 qyrkúıegindegi «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty halyqqa Joldaýyn iske asyrý maqsatymen Úkimet ázirledi. Usynylyp otyrǵan túzetýler medısınalyq kómektiń biryńǵaı paketin qalyptastyrýǵa baǵyttalǵan. Bul tegin medısınalyq kómektiń kepildik berilgen kólemi men mindetti áleýmettik medısınalyq saqtandyrý júıesi aıasynda kórsetiletin medısınalyq qyzmet túrlerin aıqyndaý arqyly júzege asyrylady.
Sonymen qatar depýtattar jańa Salyq kodeksi jobasy men oǵan salyq salý máseleleri boıynsha qurylys jáne turǵyn úı qurylysyna úlestik qatysý salasyndaǵy ilespe túzetýlerdi, turǵyn úı-kommýnaldyq sharýashylyq máseleleri jónindegi zańnamalyq jańalyqtardy ekinshi oqylymda talqylaıdy. Sondaı-aq osyǵan baılanysty Salyq kodeksi men Ákimshilik quqyq buzýshylyq týraly kodekske engiziletin ózgeristerdi qaraıdy.
Jalpy otyrysqa birqatar halyqaralyq qujatty ratıfıkasııalaýǵa qatysty zań jobalary da engiziledi.
