Foto: ru.freepik.com
Úkimettiń baspasóz qyzmetiniń málimetinshe, Qosshy qalasyndaǵy sý qubyry júıesiniń qurylysyn aıaqtaýǵa 476,7 mln teńge bólingen. Jobany iske asyrý nátıjesinde halyq 100% ortalyqtandyrylǵan sýmen qamtylady. Qazirgi tańda shamamen 50 shaqyrym qubyr tartylǵan. Jalpy, jelilerdiń uzyndyǵy 64,1 shaqyrym bolady dep josparlanyp otyr. Nysandy jyl sońyna deıin tapsyrý kózdelgen.
Qoldanystaǵy ınjenerlik jeli 30 myń turǵynǵa eseptelgen. Al resmı derekke sensek, búginde Qosshyda 50 myńnan astam adam tirkelgen. Qalanyń bas jospary boıynsha 2038 jylǵa qaraı turǵyndar sany 150 myńnan asady dep boljanyp otyr.
Al Makınsk qalasynda sý qubyry jelilerin qaıta jańartý jumystary júrgizilýde. Joba boıynsha 72,7 shaqyrym jeli tartý qarastyrylǵan. Buǵan deıin bólingen qarajat esebinen búginde 45 shaqyrymda jumys aıaqtalǵan. Arnaýly memlekettik qordan bólingen 606,4 mln teńge jobany tolyq aıaqtap, halqy 18 myńnan asatyn qalany ortalyqtandyrylǵan sýmen qamtamasyz etýge múmkindik beredi.
Aıta keteıik, búgingi tańda Arnaýly memlekettik qordan bilim berý, densaýlyq saqtaý, sport, áleýmettik qamsyzdandyrý, ınjenerlik jeliler men sý qurylystaryn jańartý sııaqty salalardaǵy 280-ge jýyq jobany iske asyrýǵa qarajat bólindi.
