Sheshimge sáıkes, kásip ıesi Shápkenova 1 jyl merzimge bas bostandyǵynan aıyrylady, sondaı-aq oǵan 3 jyl boıy qoǵamdyq tamaqtandyrý ornynda kásipkerlik qyzmetpen aınalysý quqyǵynan berilmeıtin boldy. Anyqtalǵandaı, sottalýshy ashanada sanıtarlyq talaptardy óreskel buzǵan. Sonyń saldarynan, 400 oqýshy ýlanǵan. Alaıda 182 balanyń ata-anasy ǵana kásipkerdiń ústinen aryz túsiripti. Sot jaza taǵaıyndaý kezinde jazany aýyrlatýǵa negiz joq dedi.
«QR Qylmystyq kodeksiniń 304-baby, 1-bóliginde kózdelgen qylmystyq quqyqbuzýshylyq áreketter jasaǵany úshin, kináli dep tanylsyn. Oǵan osy bap boıynsha 3 jyl merzimge qoǵamdyq tamaqtandyrý salasynda kásipkerlik qyzmetpen aınalysý quqyǵynan aıyra otyryp, 1 jyl merzimge bas bostandyǵynan aıyrý jazasy taǵaıyndalsyn», – dedi Munaıly aýdandyq sotynyń tóraǵasy Serik Naýryzbaev.
Jábirlenýshilerdiń biri sottyń sheshimimen kelispeıtinin jáne appelıasııalyq sotqa shaǵym túsiretinin málimdedi. Ol kásipkerge kesilgen 1 jyl az dep otyr. Sebebi ýlanǵan balanyń densaýlyǵy áli kúnge deıin jaqsarmaǵan.
Esterińizge sala keteıik, byltyr 6-qyrkúıekte Munaıly aýdanyndaǵy mektepterdiń birinde 460 bala ashanadaǵy astan ushynǵan. Nátıjesinde 2 bala aýyr hálde jansaqtaý bólimine túsken.
«Bir jyl degen tym az, kóp bolý kerek edi. Balalarymyz áli kúnge deıin ishi aýyrady. Durystap tamaqty jeı almaıdy, ishi ótedi, qusady. Ýlanǵannnan keıin dári berip, balanyń aǵzasyn 2 eseýlap jatyrmyz», – dedi jábirlenýshi Roza Qarasaeva.
