Foto: Ulttyq ulan
Ulandyqtar tótenshe jaǵdaılar departamenti, polısııa qyzmeti jáne jergilikti atqarýshy bılik ókilderimen birge búginge deıin 250 myńnan asa qum salynǵan qap ázirlegen. 800 kýrsant tórt aýysym boıynsha jumys istep jatyr.
Áskerı qyzmetshiler úshin júıeli túrde tamaq pen demalys ýaqyty uıymdastyrylǵan. Sarbazdar men kýrsanttardyń kedergisiz jumys isteýine «Ana júregi» sarbazdar analarynyń komıteti úles qosýda.
«Bul – barlyǵymyzdyń ortaq mindetimiz. Balalarymyz kún demeı, tún demeı el úshin eńbek etip júr. Biz olarǵa tek tamaq emes, analyq meıirimimizdi de jetkizgimiz keledi. Múmkindiginshe sarbazdarǵa ystyq tamaq aparyp, hálin surap turamyz. Bul iske turǵyndar da belsendi qatysyp jatyr. Jastardyń aman bolýy – elimizdiń aman bolýy», dedi «Ana júregi» sarbazdar analarynyń komıtetiniń múshesi Farıda Baýbekova.
Ulttyq ulannyń resmı ókili Álibek Ábdilov Ulttyq ulannyń kýrsanttary men áskerı qyzmetshileri, sondaı-aq eriktiler ınertti materıaldary bar qaptardyń kómegimen bógetterdi nyǵaıtyp, sý tasqynyna qarsy kúresti ári qaraı jalǵastyratynyn jetkizdi.
