Atyraý oblysyndaǵy oqıǵa boıynsha 4 qyzdyń ústinen ákimshilik quqyq buzýshylyq týraly kodekstiń 434-babynyń 1-bóligimen (usaq buzaqylyq) əkimshilik is qozǵalǵan. Onyń ishinde bireýine 78 640 teńge aıyppul, ekeýine 39 320 teńgeden aıyppul salynsa, tórtinshisi 15 təýlikke əkimshilik qamaýǵa alynǵan.
Sonymen birge atalǵan fakti boıynsha Atyraý qalasynyń polısııa basqarmasy qylmystyq kodekstiń 372-babymen (memlekettik rəmizderdi qorlaý) sotqa deıingi tergep-tekserýdi bastaǵan.
Qylmystyq is sheńberinde tıisti saraptama taǵaıyndalǵan. Olardyń nətıjeleri boıynsha quqyqtyq baǵa berilip, qylmystyq is boıynsha prosestik sheshim qabyldanady.
Qylmystyq qýdalaý organy «Ozon» marketpleısiniń Qazaqstandaǵy ókildigine qylmystyq quqyq buzýshylyqtar jəne basqa da zań buzýshylyqtar jasaýǵa yqpal etken mən-jaılardy joıý jónindegi usynym (qylmystyq prosestik kodekstiń 200-babynyń tərtibinde) qylmystyq is sheńberinde joldandy. Nətıjesinde «Ozon» saıtynan jazýy bar Qazaqstan Respýblıkasynyń Memlekettik Týyn satý týraly, sondaı-aq kez kelgen dinı materıaldarǵa qatysty barlyq jarnamalar alynyp tastaldy. Sonymen qatar Mədenıet jəne aqparat mınıstrligi marketpleısterde dinı materıaldardyń taralýyn zańnamalyq retteý məselesin qarastyryp jatyr, – deıdi bas prokýror Berik Asylov depýtattarǵa bergen jaýabynda.18:36
Bul foto Atyraýdaǵy Hıýaz Dospanova atyndaǵy Muz saraıynda túsirilýi múmkin. Atyraý oblystyq polısııa departamenti qazir sýretke túskender anyqtalǵanyn habarlady.
- Áleýmettik jelide taralǵan jazba boıynsha memlekettik rámizderdi qorlaý babymen qylmystyq is tirkelip, sotqa deıingi tergeý amaldary júrgizilip jatyr. Taralǵan jazbadaǵy tórt kúdikti de anyqtalyp, polısııa bólimshesine jetkizildi. Olardyń ekeýi jasóspirim bolǵandyqtan, ata-anasynyń qatysýymen jaýap alynýda. О́zge aqparat tergeý múddesine sáıkes jarııalanýǵa jatpaıdy, – delingen polısııa habarlamasynda.
Olar ustap turǵan Qazaqstannyń Memlekettik týynyń joǵarǵy jaǵynda arabsha jazý jazylyp, qylyshtyń beınesi sýrettelgen. Iаǵnı Saýd Arabııasy týynyń elementteri qosylǵan.
