Sýret: qaz-media.kz
Memleket basshysynyń tapsyrmasymen qolǵa alynǵan bul jobamen qazir bir myńǵa jýyq stýdent oqyp jatyr. Olar Qazaqstannan ǵana emes, jaqyn shetelden de kelgen. Ázirge qos dıplomdyq baǵdarlamaǵa aýyl sharýashylyǵy men ınjenerııa, IT-ge qatysty mamandyqtar engizilgen. Olar: Bıotehnologııa; Basqarýdyń aqparattyq júıesi; Bilimdegi psıhologııa; Alǵashqy bilim jáne ınklıýzıvtik tájirıbe jáne Arnaýly bilim jáne ınklıýzıvtik tájirıbe.
Oqý aǵylshyn tilinde júrgiziledi, al oqytýshylar quramy Qazaqstanmen qatar AQSh, Túrkııa elderinen kelgen. Solardyń ishinde stýdentterge Andrea Zýkkolo, Djelal Cheken, Saýle Mýsýrova sekildi professorlar dáris oqıdy. Jýyrda Amerıkadan taǵy da Rod Vıng, Djennıfer Vıng, Vladlena Harchenko sııaqty professorlar kelip, flora men faýnanyń sekventým (jalǵastyq) máselelerine qatysty semınar ótkizip jatyr. Al professor Tonı Sparks birlesken baǵdarlama boıynsha ınklıýzıvtik pedagogıka máselelerin qadaǵalaıdy.
Memleket basshysynyń tapsyrmasynda otandyq ýnıversıtetti ǵylymı zertteý joǵary oqý ornyna aınaldyrý týraly aıtylǵan edi. Osyǵan oraı ǵylymǵa stýdentterdi tartý kózdelgen. Bul kúrdeli jumys Soltústik Qazaqstan ýnıversıtetine júktelip, aýyl sharýashylyǵy, ınjenerııa jáne IT baǵyttaryn ıgerý qolǵa alynǵan-dy. Ony jeke-dara iske asyrý qıyn bolǵandyqtan Arızona ýnıversıtetimen iskerlik baılanys pen yntymaqtastyq ornady. Bizdiń stýdentter aldymen 3-kýrsty ózimizde oqyp, qalǵan oqýdy Týson qalasyna baryp jalǵastyrady. Joǵaryda aıtqanymyzdaı, bıyl kúzde alǵashqy 40 stýdent Amerıkaǵa attanady. Al kelesi jyly 125 stýdent barady dep josparlanyp otyr.
Amerıkalyq professorlar Qazaqstan stýdentteriniń bilimge degen yntasy joǵary ekenin aıtady. «Olardyń bári de tereń bilim alýǵa qushtar ekenin baıqadyq. Bizge bergen suraqtary da alyp jatqan mamandyqtarymen tyǵyz baılanysty boldy. О́zderiniń tezirek Arızonaǵa barǵysy keletinderin de bildirdi», dedi professor Rod Vıng.
Sonymen birge amerıkalyq ǵalymdar elimizdegi sý jándikteriniń genomıkalyq jalǵastyq máselelerin de zertteıtinin jetkizdi. Osyǵan oraı Kaspııdiń ıtbalyǵynan synama almaq eken. Sý resýrstaryn zertteý boıynsha M.Qozybaev atyndaǵy Soltústik Qazaqstan ýnıversıtetimen qatar Qytaıdyń Soltústik-Batys aýylsharýashylyq jáne ormansharýashylyq ýnıversıtetimen úshjaqty kelisimge qol qoıylǵan kórinedi. Aıta keteıik, vıza alý men barý-qaıtý shyǵyny ýnıversıtettiń esebinen, osynyń ózi stýdentterge zor kómek ekeni daýsyz.
PETROPAVL
