foto:ria.ru
Prezıdent saılaýy úsh kún boıyna ótedi. Osy úsh kúnde 18 mln saılaýshy, 19 myń saılaý ýchaskelerinde (shekaradan tys 965 saılaý ýchaskesi bar) óz tańdaýlaryn jasaıdy. Rýmynııa prezıdenttigine 11 adam úmitker bolyp otyr. Eger búgin úmitkerler 50% -dan joǵary daýys jınaı almasa saılaýdyń ekinshi kezeńi ótkiziledi. Ol 18 mamyrǵa belgilengen.
Rýmynııada saılaýdyń aldynda qoǵamdyq pikirge saýalnama jasalǵan bolatyn. Saýalnama nátıjesi saılaýdyń basty úmitkeri ýltraońshyl «Rýmyndardy biriktirý alıansy» oppozısııalyq qozǵalysynyń lıderi Djordj Sımeon ekenin kórsetken.
Al Sımeonnyń basty qarsylastary Býharest meri Nıkýshor Dan, úkimet koalısııasynan kandıdat Krın Antoneský men eldiń burynǵy premer-mınıstri Vıktor Ponta.
Eske salaıyq, bul saılaý Rýmynııadaǵy eń daýly saıası janjalmen baılanysty, sebebi elde prezıdent ótken jyldyń sońyna deıin saılanýy tıis bolatyn. Sol kezde ekinshi týrǵa batysshyl saıasatker Elena Laskonı men táýelsiz kandıdat Kelın Djeordjeský shyqqan edi, alaıda eldiń Konstıtýsııalyq soty daýys berý nátıjelerin joıdy. Buǵan qosa, saılaý dodasynda alǵa shyqqan Djeordjeskýdi Ortalyq saılaý komıssııasy qaıta ótetin saılaýǵa múldem qatystyrmaý týraly sheshim qabyldady, bul onyń jaqtastary tarapynan jappaı narazylyqqa sebep boldy.
Saılaý nátıjesiniń joıylýy jeltoqsan aıynda Rýmynııa oppozısııasy tarapynan jappaı narazylyq aksııalaryna alyp keldi. Reseı Syrtqy ister mınıstrligi Rýmynııadaǵy prezıdent saılaýynda bolǵan oqıǵany «demokratııalyq elder úshin buryn-sońdy bolmaǵan jaǵdaı» dep atady.
Aqpan aıynda AQSh vıse-prezıdenti Djeı Dı Dens Eýropa elderin synǵa alyp, Rýmynııadaǵy jaǵdaıdy demokratııalyq ınstıtýttardyń daǵdarysynyń mysaly retinde keltirgen bolatyn.
