Maqsaty asqazan-ishek joldarynyń aýyr aýrýlary bar balalarǵa kómektesý.
Sheberlik saǵaty barysynda bas sarapshy Reseıdiń jetekshi balalar hırýrgy, professor Igor Kırgızovtyń basshylyǵymen kúrdeli laparoskopııalyq jáne beıne assıstırlendirilgen otalar jasaldy. Prosesti Qazaqstannyń ártúrli óńirlerinen, onyń ishinde Astana men Petropavldan kelgen 25 hırýrg, sondaı-aq Qaraǵandy oblysynyń 37 pedıatry men gastroenterology qadaǵalady.
Oqytý is-sharasynyń sheńberinde jasalǵan 11 otanyń barlyǵy sátti ótti. Budan bólek taǵy 18 bala tegin konsýltasııa aldy.
Ota jasalǵan Davıd esimdi balanyń anasy ulynyń dúnıege anýssyz kelgenin, balany shetelde emdetýge qarajaty bolmaǵanyn tilge tıek etti. Onyń aıtýynsha, professor Kırgızovtyń ózi kelip ota jasaǵany mańyzdy sheshim boldy.
Endi qazaqstandyq dárigerler de osyndaı otalardy óz betinshe júrgizetin bolady.
