Foto: Ashyq derekkózden
Barlyq kezekte turǵan azamattar men jańa ótinishter «Otbasy bank» basqaratyn «Turǵyn úımen qamtamasyz etý ortalyǵy» elektrondy júıesine kóshirilip, biryńǵaı baza jasaqtalady.
«Otbasy bank» málimetinshe, qazir 657 422 adam úı kezeginde tur. Buǵan deıin 7 sanatqa kiretin toptar úı kezegine turýǵa múmkindik alǵan bolsa, 24 mamyrdan bul shekteýler alynyp tastalady.
Jańa júıe azamattyń atyna tirkelgen turǵyn úıdiń bar-joǵyn avtomatty túrde tekseredi. Sondaı-aq otbasylyq jaǵdaıy men mártebesin saraptaıdy. Bastysy bul árketter adamı faktordyń aralasýynsyz júzege asyrylady.
Biryńǵaı baza turǵyn úıdi bólýdi júıeli jáne ádil etedi.
Dese de turǵyn úıdiń basym 70% myna sanattarǵa beriledi:
- UOS ardagerleri men olarǵa teńestirilgender;
- jetim balalar;
- kópbalaly otbasylar;
- múmkindigi shekteýli balalary bar otbasylar;
- I jáne II toptaǵy múgedekter;
- áıeli qaıtys bolǵan erkekter jáne jesirler.
Qalǵan 30% turǵyn úı myna sanattarǵa úlestiriledi:
- memlekettik qyzmetshiler;
- bıýdjettik sala qyzmetkerleri;
- áskerı qyzmetshiler;
- qandastar;
- aýyr dertke shaldyqqan azamattar.
Basty krıterıı retinde azamattyń kezekke turǵan kúni men jyly eskeriledi.
Kezek tek onlaın júrgiziledi – kezekte.kz arqyly júrgiziledi.
Tirkeýińiz ótinish beretin qalada keminde 3 jyl bolýy kerek. Apatty úıde tursańyz tehnıkalyq qorytyndyny qosa tirkeý qajet.
