Foto: Astana qalasy ákimdigi
Osy baǵyttaǵy jumysqa 100-ge jýyq adam, arnaıy kólik, termogeneratorlar jumyldyrylady.
Aı saıyn saıabaqtar, gúlzarlar, kósheler, turǵyn alaptar, ózender men kanaldardyń jaǵalaýy, sondaı-aq 120-dan astam turaqty jáne 100-den astam ýaqytsha sý aıdyndary óńdeledi.
23 sáýirden bastap birinshi týr boıynsha óńdeý bastalǵan. Bul jumys barysynda kishi Taldykól, taıaz sý aıdyndary men batpaqty ýchaskeler, sondaı-aq aınalma jol boıyndaǵy jáne t.b. oryndardy qosa alǵanda 500 gektar aýmaq óńdelgen.
28 sáýirde Turan-Syǵanaq-Túrkistan-Dostyq-Turan aýmaǵyn, Táshenov kóshesi boıymen Aqbulaqqa qaraı Amman kóshesine deıingi baǵytty esepke alǵanda, saıabaqtar, qala ortalyǵynyń ashyq stansııalaryn óńdeý bastalǵan.
«Dernásil satysynda sý qoımalaryndaǵy faýna men floraǵa zııan keltirmeıtin bıologııalyq preparattar qoldanylady. Jeke sektor (turǵyn alaptar) jáne ashyq aýmaqtar (saıabaq, ózender, sý aıdyndary, kanaldar, zırattar) óńdeý aımaǵy bolyp esepteledi.
Jeke sektor turǵyndaryna arnaıy ýlandyrý dárileri tegin taratylady, sondaı-aq qaýipsizdik nusqamasy beriledi», delingen ákimdik habarlamasynda.
Mamandar 14-30 sáýir aralyǵynda 30 myńǵa jýyq úıdi aralap shyqqan.
1 mamyrdan 1 maýsymǵa deıin 3 264 gektar aýmaqtaǵy saıabaqtardy, ózen mańyn, sý aıdyndaryn, kanaldar men zırattardy qosa alǵanda, ashyq stasııalardy óńdeý josparlanyp otyr.
