Forým jahandyq syn-qaterler men geosaıası shıelenister jaǵdaıynda memleketaralyq yntymaqtastyq pen dıplomatııaǵa járdemdesýdegi óz mıssııasyn jalǵastyryp jatyr.
Forýmdy Qazaqstan Respýblıkasynyń Prezıdenti Qasym-Jomart Toqaev ashady.
Uıymdastyrýshylar 39 paneldik sessııa ótedi josparlap otyr. Onyń ishinde 10 eksklıýzıvti sessııa joǵary dárejeli qonaqtarmen jáne álemdik kóshbasshylardyń jeke qatysýymen ótedi.
Forým baǵdarlamasy «Syrtqy saıasat jáne halyqaralyq qaýipsizdik», «Energetıka jáne klımattyń ózgerýi», «Ekonomıka jáne qarjy» dep atalatyn úsh negizgi taqyryptan turady.
Syrtqy saıasat jáne halyqaralyq qaýipsizdik salasyndaǵy álemdik sarapshylar bolashaq týraly pakt, sondaı-aq kóppolıarly álemdegi «orta derjavalar» saıasatyn, sondaı-aq Taıaý Shyǵystaǵy jańa tepe-teńdikke aparatyn joldardy talqylaıdy.
Aıta keteıik, elshi, Mıýnhen qaýipsizdik konferensııasynyń tóraǵasy (2022-2025 jj.) Krıstof Hoısgen, Elkano koroldik ınstıtýtynyń dırektory Charlz Paýell, Jeneva qaýipsizdik saıasaty ortalyǵynyń (Gcsp) atqarýshy dırektory Tomas Gremınger atalǵan taqyryp boıynsha forýmǵa qatysatynyn rastady.
Energetıka jáne klımattyń ózgerýi týraly paneldik sessııalarda qatysýshylar sý jáne energetıkalyq qaýipsizdikti, Ortalyq Azııanyń ornyqty bolashaǵyn, klımat salasyndaǵy jahandyq is-qımyldardy, ınnovasııalyq syn-tegeýrinderdi talqylaıdy.
Bul taqyryptar boıynsha Power International Holding kompanııalar tobynyń tóraǵasynyń orynbasary, prezıdenti jáne bas atqarýshy dırektory Ramez Ál-Haııat, Jańartylatyn energııa kózderi jónindegi halyqaralyq agenttiktiń (IRENA) bas dırektory Franchesko La Kamera, Ulybrıtanııa Parlamenti Lordtar palatasynyń múshesi Lord Frensıs Moýd, SOR29 prezıdenti Muhtar Babaev sóz sóıleıdi.
«Ekonomıka jáne qarjy» taqyryby boıynsha negizgi baǵyttar: álemdik saýdanyń bolashaǵyn anyqtaý, jasandy ıntellekt, jahandyq ekonomıkalyq qýatty qaıta qaraý, sıfrlyq aktıvter revolıýsııasy bolady. Forýmnyń qonaqtary Berlin Global Dialogue negizin qalaýshy jáne tóraǵasy Lars-Hendrık Rıoller, Google kompanııasynyń Ortalyq jáne Shyǵys Eýropa jónindegi vıse-prezıdenti Patrık Ýornkıng, Mınıstr-sheteldegi fransýz azamattarynyń syrtqy saýda jáne ister jónindegi delegaty Loran Sent-Marten, Eýropalyq ınvestısııalyq banktiń vıse-prezıdenti Kırıakos Kakorıs bolady.
2025 jylǵy Astana Halyqaralyq forýmy - jahandyq dıalog pen ózekti álemdik problemalardy talqylaýǵa arnalǵan negizgi alań. Joba jahandyq syn-qaterlerdi birlesip sheshý úshin elderdi biriktire otyryp, mýltılateralızmniń jańa dáýirin qalyptastyrýǵa yqpal etedi. Is-shara ekonomıkaǵa, klımatqa jáne memleketaralyq qatynastarǵa baǵyttalǵan jahandyq ózgerister jaǵdaıynda halyqaralyq yntymaqtastyqty nyǵaıtýǵa baǵyttalǵan.
