Aımaqtar • 07 Mamyr, 2025

Aqtóbede jol jóndeýge 58 mlrd teńgeden astam qarjy bólindi

60 ret

kórsetildi

1 mın

oqý úshin

Aqtóbe oblysynda kóktemniń kelýimen jol jóndeý maýsymy bastaldy. Oblystyń jolaýshylar kóligi jáne avtomobıl joldary basqarmasynyń málimetinshe, óńirdiń jol ınfraqurylymyn jaqsartýǵa 2025 jyly respýblıkalyq jáne jergilikti bıýdjetten 58 mlrd teńgeden astam qarjy bólindi. Bul qarjyǵa jalpy uzyndyǵy 458,3 shaqyrym joldy jóndeý josparlanǵan, dep habarlaıdy Egemen.kz.

Qyrmyzy JUMAǴALIQYZY

Aqtóbede jol jóndeýge 58 mlrd teńgeden astam qarjy bólindi

Foto: Aqtóbe oblysynyń ákimdigi

Oblys ákimdiginiń habarlaýynsha, jóndeý jumystarynyń sonyń ishinde 245 shaqyrymy jergilikti mańyzy bar tas joldar bolsa, qalǵan bóligi oblys ortalyǵy men aýdandyq deńgeıdegi kóshe joldaryn qamtıdy.

Qazirgi tańda barlyq jobalar boıynsha merdiger uıymdar anyqtalyp, jumys kesteleri bekitilgen. Jol qurylystary men jóndeý jumystarynyń bir bóligi 2024 jyldan aýysyp kelgen. Atap aıtqanda, 14 jol qurylysy, 1 tas jol men 3 kópirdi jańartý, 3 ortasha jáne 17 kúrdeli jóndeý, 12 mektepke aparatyn jol jáne 4 kireberis jol qurylysy belsendi túrde júzege asyrylyp jatyr.

Jospar boıynsha 2025 jyldyń sońyna deıin oblys joldarynyń jaqsy jáne qanaǵattanarlyq jaǵdaıdaǵy úlesin 82%-ǵa deıin jetkizý kózdelgen.