Bıylǵy jyldyń basynan beri QazIndustry kásiporyndardan túsken jalpy quny 148,6 mln teńgeni quraıtyn ótinimderdi maquldady. Bul qarajat tehnologııalyq úderisterdi jetildirýge, sıfrlyq sheshimderdi engizýge, qyzmetkerlerdiń biliktiligin arttyrýǵa jáne jańa jabdyqtar satyp alýǵa baǵyttalǵan. Bul jóninde bıznesti yntalandyrý dıreksııasy habarlady.
О́tinim berý jaǵynan Almaty, Astana jáne Shymkent qalalaryndaǵy, sondaı-aq Pavlodar men Soltústik Qazaqstan oblystaryndaǵy ındýstrııa ókilderi belsendilik tanytty. Al salalar boıynsha eń kóp ótinim mashına jasaý, agroónerkásip kesheni, metallýrgııa, jeńil jáne farmasevtıka ónerkásibi men qurylys materıaldaryn shyǵaratyn kásiporyndardan tústi.
Kóptegen kásiporyndar bıznesti yntalandyrý tetikterin paıdalanýǵa belsendi kirisýde. О́tken jyly elimiz boıynsha jalpy 1,2 mıllıard teńgege ótinimder maquldanǵan.
Kásiporyndar óz shyǵyndaryn birneshe baǵyt boıynsha óteı alatynyn eske salǵan jón. Mysaly, Qazaqstandyq ındýstrııa jáne eksport ortalyǵy tehnologııalyq jabdyqty satyp alý, ony ornatý, iske qosý jáne tehnıkalyq qyzmet kórsetýge ketken shyǵynnyń 40%-na deıinin óteýge kómektesedi (biraq jylyna 60 mln teńgeden aspaıdy). Bul ereje avtomattandyrylǵan basqarý júıelerin engizý men sıfrlyq jabdyq satyp alý shyǵyndaryna da qatysty.
Budan basqa, kásiporyndar qyzmetkerlerdiń biliktiligin arttyrýǵa nemese sheteldik mamandardy tartýǵa jumsalǵan shyǵyndardy óteı alady.
Mundaı erekshe bıznesti yntalandyrý tetikteri kásiporyndarǵa damýǵa múmkindik berip, óz ónimderiniń básekege qabilettiligin arttyrýǵa jáne halyqaralyq naryqtarǵa shyǵýǵa jol ashady.
Shyǵyndardy óteý tetikterin paıdalaný úshin mynaý saıtqa tirkelip, onlaın ótinim berip, qajetti qujattardy tapsyrý kerek.
Aqparat alý úshin Astana, Qabanbaı batyr dańǵyly, 17, E blogy (ár
seısenbi jáne beısenbi) mekenjaıy boıynsha QazIndustry keńsesine habarlasyńyz.
Baılanys telefony: +7 (7172) 79 33 99 (ishki 444).
