Boljamǵa sáıkes, Iran aımaqtarynan jyly aýa massalarynyń kelýi Qazaqstannyń ońtústik jáne ortalyq oblystarynda jaýyn-shashynsyz ystyq aýa raıyn qalyptastyrady. Aýa temperatýrasy birtindep joǵarylap, 15 mamyr kúni kúndizgi ýaqytta termometr baǵandary ońtústik óńirlerde 35-44 gradýsqa deıin, ortalyq óńirlerde 35-38 gradýsqa deıin ystyqty kórsetedi, Aqmola oblysynda da 30-35 gradýs aralyǵynda ystyq aýa raıy kútiledi.
«Degenmen, batys jáne soltústik aımaqtarǵa sıklon men onymen baılanysty atmosferalyq fronttar áser etedi, olar jańbyr men naızaǵaı ákeledi, keı jerlerde qatty jańbyr jaýyp, burshaq túsýi de múmkin», dedi sınoptıkter.
