Birinshi toqsannyń qorytyndysymen elimizde JEK salasyndaǵy negizgi kórsetkishterdiń ósýi tirkeldi. Esepti kezeńniń sońynda JEK nysandarynyń jıyntyq belgilengen qýaty 3082,12 MVt-ty, onyń ishinde: jel elektr stansııalary – 1570,05 MVt; kún elektr stansııalary –1222,61 MVt; shaǵyn sý elektr stansııalary – 287,685 MVt; bıoelektr stansııalary – 1,77 MVt-ty qurady.
JEK obektileri óndirgen elektr energııasynyń jalpy kólemi 1961,6 mln kVt-saǵatqa jetti, onyń ishinde: 1417,19 mln kVt-saǵatty jel elektr stansııalary óndirse, 373,503 mln kVt-saǵat – kún, 170,253 mln kVt-saǵ – shaǵyn gıdroelektrostansııalar, 0,652 mln kVt-saǵ – bıoelektrostansııalar esebinen. Osylaısha respýblıkamyzda elektr energııasyn óndirýdiń jalpy kólemindegi JEK úlesi 5,93%-ǵa jetti.
Búginde elimiz jasyl energetıkany damytý jóninen kóshbasshy pozısııaǵa ıe. Bul úrdis byltyr jańa jumys oryndaryn qurý jáne álemdik kompanııalarmen strategııalyq kelisimder jasaý arqyly nyǵaıa tústi. Bul ekologııalyq taza tehnologııalar kómirtegi izin azaıtýdyń negizgi faktoryna ǵana emes, sonymen qatar jańa jumys oryndarynyń kózine de aınalyp kele jatqanyn kórsetedi. Iri halyqaralyq kompanııalarmen mańyzdy kelisimderge qol qoıý salany damytý úshin jańa múmkindikter ashady. Mundaı seriktestikter tehnologııalyq almasý men ınvestısııalar aǵynyn molaıtyp, salany jańǵyrtýǵa jáne eldiń energetıkalyq qaýipsizdigin arttyrýǵa yqpal etedi.
Halyq arasynda shaǵyn kólemdi JEK jobalaryn yntalandyrý týraly zań turǵyndarǵa jasyl energııaǵa kóshý úderisine belsendi qatysýǵa múmkindik berip, turǵyn úılerge jáne basqa da obektilerge kún panelderin ornatýdy egjeı-tegjeıli rettedi. Nátıjesinde Qazaqstan JEK-ti damytý boıynsha Ortalyq Azııadaǵy kóshbasshylyq ustanymyn saqtap, ornyqty, ekologııalyq qaýipsiz bolashaqqa umtylysyn jalǵastyryp keledi. Qabyldanǵan sheshimder elimizdi álemdik energetıkalyq arenada salmaqty oıynshyǵa aınaldyra otyryp, taıaý jyldarda damýdyń strategııalyq baǵytyna serpin bermek.
