Ǵylym • 15 Mamyr, 2025

Qazaqstandyq stýdentter munaı-hımııa salasyna kadr daıarlaý baǵdarlamasy aıasynda Ispanııada oqıdy

80 ret

kórsetildi

1 mın

oqý úshin

15 sáýir - QR Energetıka mınıstrliginiń qoldaýymen jetekshi halyqaralyq ınjınırıngtik kompanııa Tecnicas Reunidas (TR) jáne birqatar seriktesterdiń qatysýymen ınjenerlik mamandyqtar boıynsha oqıtyn qazaqstandyq stýdentterge arnalǵan jańa bilim berý baǵdarlamasy iske qosyldy.

Azamat QOIShYǴARA

Qazaqstandyq stýdentter munaı-hımııa salasyna kadr daıarlaý baǵdarlamasy aıasynda Ispanııada oqıdy

Baǵdarlama sheńberinde 120 qazaqstandyq jas maman Ispanııada ınjınırıng salasynda arnaıy kásibı daıarlyqtan ótedi. Oqytý aıaqtalǵannan keıin túlekter Tecnicas Reunidas kompanııasynyń halyqaralyq jobalarynda jumys isteýge múmkindik alady.

Jobanyń negizgi maqsaty - munaı-hımııa salasy úshin álemdik deńgeıdegi joǵary bilikti ınjener kadrlaryn daıarlaý, sondaı-aq otandyq mamandardyń jahandyq tehnologııalyq ortada jumys isteýine jaǵdaı jasaý. Baǵdarlamanyń uzaqtyǵy - 4 jyl.

Sonymen qatar, jumysshy mamandyqtardy daıarlaý baǵyty da qarastyrylǵan. Atap aıtqanda, Atyraý qalasyndaǵy APEC kolledji bazasynda “QazMunaıGaz” UK AQ-nyń enshiles uıymdary júzege asyryp jatqan munaı-hımııa jobalaryna qajetti kadrlardy daıarlaý kýrstary bastalady.

QR Energetıka mınıstrligi bul bastamalardy munaı-hımııa salasynyń turaqty damýyn qamtamasyz etetin, adamı kapıtaldy nyǵaıtýǵa baǵyttalǵan mańyzdy qadam retinde baǵalaıdy.