Foto: Oqu-agartu ministrligi
Aıta ketsek, 2024 jyly bedeldi halyqaralyq jarystarda úzdik nátıje kórsetken 26 oqýshyǵa 77,5 mln teńge jáne olardy daıyndaǵan 24 muǵalimge 6,4 mln teńge syıaqy berilgen. Olımpıadanyń altyn júldegerleri 1500 aılyq eseptik kórsetkish (AEK), kúmis medal ıegerleri – 1000 AEK, al qola medal ıegerleri 500 AEK kóleminde syıaqy alǵan.
Oqý-aǵartý mınıstrligi baspasóz qyzmetiniń málimdeýinshe, olardyń arasynda Álemdik jáne Azııa deńgeıindegi olımpıadalarda erekshe bilimimen, zerektigimen kózge túsken oqýshylar:
Mańǵystaý oblysynan Ramazan Býtantaev – Azııa-Tynyq muhıty aımaǵynyń «Eń myqty lıngvısi» retinde tanylǵan.
Elordalyq 10-synyp oqýshysy Nurgúl Egenbergenova Azııa fızıka olımpıadasynda «Eń úzdik qatysýshy» atanǵan.
Shyǵys Qazaqstan óńiriniń oqýshysy Aldııar Amangeldi Ortalyq Azııanyń «Eń úzdik ınformatıgi» mártebesine ıe bolǵan.
Mańǵystaý oblysynan Mendiǵalı Qaldybaı hımııa páni boıynsha zerthanalyq jumystan 40 eldiń qatysýshylary arasynda eń joǵary nátıje kórsetip, «Eń úzdik praktık» atanǵan.
Budan bólek, Qazaqstan oqýshylar hımııa páninen eń bedeldi halyqaralyq olımpıadada eki márte chempıon atanǵan jáne First Global Challenge robototehnıka chempıonatynda úsh dúrkin álem chempıony bolǵan.
