Basqarma basshysynyń mindetin atqarýshy Nurbol Sydyqovtyń aıtýynsha, atalǵan nysandar Memleket basshysynyń sporttyq ınfraqurylymdy tıimdi damytý jónindegi tapsyrmasyna sáıkes qolǵa alynypty.
«Senimgerlik basqarýda bolǵan dene shynyqtyrý-saýyqtyrý kesheni, muz aıdyny men «Atyraý» oblystyq fýtbol komandasy» JShS memleket menshigine qaıtaryldy. Bul ózgeris óńirdegi sport salasynyń ashyqtyǵy men tıimdiligin arttyrýǵa, atalǵan nysandardyń qyzmet sapasyn jaqsartýǵa jol ashady. Memlekettik menshikke ótkennen keıin bul mekemelerdiń materıaldyq-tehnıkalyq bazasyn jańartý, qyzmet sapasyn kóterý baǵytynda júıeli jumystar júrgiziledi», dedi Nurbol Sydyqov.
Memleket menshigine qaıtarylǵan sporttyq nysandarda balalar men jasóspirimderge arnalǵan tegin úıirmeler men sport seksııalarynyń jumysy turaqty túrde jalǵasady. Endi senimgerlik basqarýdaǵy ortalyq júzý basseınin memleket menshigine qaıtarý jumystary bastalady.
